屋企人嫌男朋友窮點算

同你相反，我媽唔鐘意我女朋友，結果佢心入面一直有條刺係度...最後....

唉，點解要咁對自己個仔

你回反佢話 :
老豆咁冇用你又嫁俾佢
而家男朋友冇錢冇家底就叫唔好要佢
唔俾佢他朝有一日飛黃騰達？
如果而家搵到個有錢男友又點？
他朝有日佢冇哂錢破產，唔通又搵過個？
現實而家我地屋企又唔係特別好有錢
又唔見你飛左老豆，同佢離婚？
如果你覺得另一半係要有錢既話，咁同老豆離左婚，先再俾説話我聽

um...佢離左婚

你媽又唔搵返個？

佢就係揀黎揀去拍左好多次

我女友阿媽都係咁講
我都好認同
叫佢搵個有錢仔
其實你媽媽無講錯
因為無錢真係望唔到將來

世事無常，就算依家有樓十年廿年後都可以變成泡沫，就算依家有份好穩定既工，十年廿年後都可以俾新產業取代，好多野你唔會估到，而我只係想把握依家鍾意既人

大前提係要條仔會專心對你一世
好似我家姐咁，有個專一對佢好既有錢男人唔要，之後俾個mk搞大個肚結婚，借左幾十萬俾佢搞生意，最後條仔離婚唔還錢，依家咪又係痴住屋企養埋佢兩母女

呀媽講嘅唔係冇原因，就算你唔養呀媽，他日你去買餸煮飯出街都係錢，就算你慳到乜都唔買，食又食急凍嘢，好實際咁講，有咩頭暈身慶，睇政府就排到2046,到你生小朋友就訓醫院走廊，每日買隻雞燉都捉襟見肘。
到你小朋友，冇錢就唯有揀普通學校，日日11樣功課，小朋友touch wood有咩事，排政府服務冇3,5,7年都唔到你。唔好以為咩大病先到你去煩，簡單小手肌肉發育慢已經要出去睇職業治療，起碼5舊水一堂(都要排)
仲未計到咁上下時間世伯伯母身體有事，你bf仲要係獨生，即係你地點都至少養2個。聽到其他人有事即刻照mri即刻有靚藥食，不過冇錢就sorry唔到你揀。到時你本身仲有小朋友，唔上唔落幫又唔係唔幫又唔係，斷估你讀u都唔會冇錢到一齊拎綜援唔幫手攬炒，幫咁就個個月清袋。連買少少冬蟲草俾屋企人補下身都冇。
所以成件事唔好睇到咁簡單，仲要睇下你bf勤唔勤力，佢都讀緊書咁有冇返pt?你自己又勤唔勤力。
講真你問我，我就覺得過2年你地出嚟做嘢仲一齊先算，有邊個當初唔係話至死不渝乜乜乜。我覺得佢係獨生問題仲大過有冇錢

個個都話要搵個有錢人嫁，
又唔諗下有錢嘅人點解要簡你