龍和道上將
2019-06-21 14:55:03
考完試終於有時間覆。
其實高雄比台北節奏慢,但係住係舒服過台北。高雄好多人以前其實對中華民國係無歸屬感,因為民國係外來政權。以前228時間,高雄中學嘅學生同當時政府發生過槍戰,反對228時間,濫殺台灣人。到而家,民進黨都會繼續消費228,去增加本省籍嘅台灣人選票。
再加上高雄人都會比較多人講台語,比較有歸屬感。同時間,佢哋鍾意叫台北嘅人做天龍人,而台北嘅人會鍾意笑高雄人騎山豬(電單車)。
而家嘅高雄上屆選舉點解會選韓國瑜呢,係因為民進黨陳菊執政嘅高雄市經濟幾十年無增長,仲要長期負債。加上中央執政政府蔡英文嘅政策導致同大陸關係唔好,令高雄港同高雄農民嘅出貨量減少。所以好多高雄人都會覺得韓國瑜可以帶來改變。我有個同學老豆係醫生,市長選舉全家都投韓國瑜,所以其實韓國瑜選上唔係因為佢勁,而係對手太差,加上佢果種宣傳嘅手法,誇張,震撼力好勁,所以最後佢就高票選出。