召喚有腸易激困擾巴絲取下暖

我諗我有腸易激起碼8年, 苦況唔多講, 想討論下大家用緊咩藥, 嚴重時睇邊個專科醫生

我睇緊養和陳xx 醫生, 算係好權威既腸胃專科, 好有心幫我搞我個IBS, 之前試過睇其他醫生一次叫我自己配藥食就唔理我

而家每日食Duspatalin 200mg 早晚一次, 益生菌, 救急抽筋時食buscopan

自己再買左peppermint oil 食, 好似有d 止到抽筋用

但開始感覺到Duspatalin 已經無乜料到, 有無其他巴絲食緊其他藥?

亦都想開post 比各有ibs 既巴絲呻下平時肚痛肚屙抽筋有幾影響日常生活, 什至返工都會影響

補充少少, 己經做左腸鏡, 排除左有其他問題, 另外本身有焦慮症係主要原因之一, 令到IBS情況嚴重, 戒口, 食其他補品通通試過, 唔預自己好得返, 只求穩定, 去住旅行都要食左止屙(Imodium)先夠擔出遠門, 相信屙到7彩巴絲唔會唔知呢隻藥, 一定要跟身

我細個一緊張就肚屙 而且要屙幾次 每日返學前都咁 後尾先知有焦慮症 而家醫咗三年已經冇再發作 起碼唔會成日去廁所

想問陳醫生收費點？係咪真係好好？

係唔錯, 知你係IBS唔會唔想睇你, 之前睇其他醫生試過因為IBS無咩野要搞, 可能覺得無錢賺, 叫我唔使返去覆, 話無得醫, 寫左藥名叫我自己配, 個次都幾大打擊, 但陳安安真係唔平, 加上養和既藥房收好貴, 所以我都想問你地有無其他專科醫生介紹

其實IBS都叫係焦慮一種, 同埋有IBS既人有大半都係真係有情緒病個種焦慮, 好似我咁

我覺得既然你個病咁嚴重, 都係唔好立亂轉醫轉藥住, 名牌始終都係個保證, 你都知呢個病唔係咁易醫, 諗卟點樣可以減少焦慮先
我都有腸胃病(算輕微啦), 都係睇過陳醫生照過腸鏡, 希望你快啲好番, 8年抗戰就完架啦

焦慮好返就會冇

我有一直睇緊精神科

但係精神科醫生話我焦慮好返有d 難, 就算斷到藥都好易復發, 本身仲要有ptsd, 創傷壓力症後群, 我係咪人生已完?

諗緊去睇一個港島嘅 叫程x剛醫生 好似都有間中會係養和駐診 應該會平啲

而家焦慮有冇食藥 有冇藥名？ 因為有啲藥嘅副作用都會影響腸胃

你講個種易屙屎唔係嚴重IBS, 嚴重個D係屙到返唔到工出唔到街, 同埋可以腸抽筋到你企都企唔到起身, 利申試過

有食藥, 比曬腸胃科醫生睇, 唔大問題, 因為我係肚瀉型既患者, 精神科醫生都專登揀D係便秘副作用既藥比我, 我有識人食一樣既藥便秘到仆街, 我仍然係屙水

啲藥有冇改善焦慮個情況

好左好多喇, 而家就算腸易激都比嚴重個時好左好多

我前排經常肚痾..可能輕微腸易激...1日可能2-3次...有痾水狀...就算痾清....個肚仲係有想痾既感覺+陰陰痛。初期睇左普通私家診所2次，病情都無乜改善，後期睇專科驗大便，結果無發炎+菌,醫生話我可能腸敏感，開左profenil(減慢腸藏蠕動),另外自己買左益生菌食。經過約2個月調理,好返好多,1日1次正常大便,痾完無再有陰陰痛既感覺。

你食profenil 食左幾耐?我都有上外國ibs 網站見到呢隻藥話不錯, 我打算問下陳醫生我岩唔岩用

我食左1個星期已經好返好多....無再食..可能我唔算嚴重。

我係痾唔到個種 淨係成日都肚痛 每個月都起碼連續痛成個星期 陰啲陰啲痛個種 又唔係食錯野好急劇既痛 係無啦啦成日肚痛 。一係就胃痛 但肚痛比較多，腸抽筋都試過 行都行唔到
睇過好多次醫生 照過胃鏡同大腸內窺鏡 好彩咩事都冇
但醫唔好 個個月都咁好辛苦

咁你有無長期食住d 止抽筋藥, duspatalin 應該算係最多人用去ibs 個隻藥, 我食左半年喇, 呢隻可以一直食又唔會令到你便秘

講冇咩影響既人係on9
我自己係嚴重IBS患者
我成日痾到出唔到街 番工遲到
仲要每日都會無啦啦肚痛 之後去廁所瀉
完全唔敢去旅行加出街
人生已完

我都試過有五年無去過旅行, 離島都唔敢去