好嬲自己唔係到完全幫唔到手，個種無力感好重，忍唔住係咁流眼淚，個下覺得香港好陌生，好不安唔敢再返嚟，好驚有咩事會直送中共。點解會變成咁？香港人只係想守護自己嘅屋企，到底做錯啲乜？
曾經，我都以為政治離自己好遠。
所以今次我同自己講，無論點都一定要飛返嚟出一分綿力！
我好驚今次唔出，以後再無機會為自己發聲。
我想同個班不問世事嘅港豬講：
條例一過一定好多外資公司考慮撒資，
你會無左份工，飯碗不保。
係咪仲要講返工不了？
特區護照到時會無免簽證，我地過關要同大陸喱排同一條隊，所有嘢都將會「一視同仁」。
以後唔會再有言論自由，唔會再有機會上街俾你爭取民主。
中央可以任意修改法律，你唔會知你幾時講錯嘢，無啦啦犯咗咩罪，點解會俾人捉返大陸受審，諷刺地，今日可以犯聽日嘅罪。
上面法治透明度有幾低我諗個個都知，可以隨時被消失。
我地每個人都可以係桂民海。
咁樣仲關唔關你事？？？
最後香港只會變成中國其中一個二線城市，你真係忍心睇到呢個孕育自己生命嘅地方淪落到不值一提？
真係要醒啦。
一係你就巴屎閉即刻移民當香港係踏腳石算撚數。
走咗以後咪撚再返嚟，所有嘢都唔再關你事。
一係你就做返個人，唔好再置身事外！
根本樣樣嘢都關你事！
好撚憎班偽港撚，平時口講好愛香港好驕傲自己係香港人乜乜柒柒。但就高呼討厭政治，對逃犯條例充耳不聞好似事不關己咁，乜你真係咁撚天真覺得所有嘢都可以唔拉埋政治嚟講？個撚個咪繼續飲飲食食嘻嘻哈哈做自己嘢等前線衝完坐享其成囉！
呢單野已經唔再係啲咩政治冷唔冷感嘅問題，係關乎人權、自由、安全，係香港公民嘅責任。
大家有眼睇，就算琴晚有成103萬人上街，事實證明咗用和理非表達訴求係無撚柒用。
呢個極權政府態度依舊強硬，完全漠視民意，話撚知你500萬定700萬人上街，二讀依舊如期舉行呀屌老母！佢地無諗過同我地市民溝通，簡直視你班港豬為無物。
諗清楚，係邊個帶頭搞事？點解要衝擊立法會？到底係邊個逼到市民變成黑警口中嘅「暴徒」？
唔好本末倒置，我地嘅敵人得一個 — 就係條賣港閪淋病！
我地應該做嘅就係言行一致槍頭對外咁去影響身邊嘅人，身體力行話俾佢地知香港發生緊咩事！
最後即使真係改變唔到，起碼盡力試過。
積少成多，多你一個其實好多。
真心愛港嘅人係唔會咁易放棄，抗爭從來唔會一次就成功。無可否認以前輝煌鼎盛嘅香港已登道岸，97香港主權移交係不爭嘅事實，留戀過去亦無補於事。我地要創造歷史！以後只會更多人發聲！齊心守護我城！！！
我真係好愛香港
