有啲人基於懦弱，好似我咁唔敢出嚟衝
但我覺得我都有啲嘢可以做，就係幫手做文宣！
趁呢兩日時間再谷起另一輪民意
亦都令到輿論傾向義士一邊
因為嚟緊幾日政府一定會用盡一切方法
分化義士同埋一百萬人
我哋要做嘅就係團結返所有反送中嘅人
目標有幾點:
1.義士不是鬼，目標要對準政府
我知道大家見到今日啲師奶中產不斷話鬼都好嬲
大家要明白屌佢哋係冇用
反而令佢哋更加憎呢班義士
我哋要做嘅係左膠最鍾意嘅和理非感化佢哋
同佢地講野唔需要講「義士」兩個字
反而係用「後生仔」、「年青人」
佢哋犧牲咗自己嘅前途
都係因為今日政府唔聽一百萬人民意
「你今日行得咁辛苦，呢班後生仔都係，所以佢地先要用一種自我犧牲嘅方法」
拉返和理非既政治冷感既人既支持
解釋啲人衝擊係因為103萬人都完全無用
和平遊行係無用
用呢種無力感去令人接受衝擊
我發覺講咗完之後
啲師奶中坑就唔會再話義士係鬼
最多問你「咁佢哋係咪衝得唔啱先？」
呢個時候你已經成功咗第一步
你又可以問返佢「你覺得政府唔理你係咪啱？」
之後你花唔花精力同佢講再你話事
頭先我直頭見到有個阿嬸開頭鬧班學生
比我懷柔講左幾下
見到佢喺另一個post話學生都係想佔領立法會姐
好感動
2. 行動要升級，呼籲朋友612罷工出黎
如果啲人問你衝嚟有乜用
你答佢太陽花學運又得
答佢雨傘嘅時候都係靠衝出嚟又得
千祈唔好講初一魚蛋革命
因為班和理非到而家都未接受到魚蛋革命
為咗令佢易啲接受
你可以同佢講你唔衝冇問題
最緊要有人衝嘅時候你後面保護佢哋
製造一種輿論保護佢哋
再退一步
佢好反對衝
咁就唯有力勸佢地唔好割蓆
唔好指罵學生
3. 不要絕望
甚至連登入面都好多人好絕望
我都係
但其實我哋付出咗啲咩
我哋呢一班仲上到連登嘅人
今晚喺告士打道嗰班義士簡直係微不足道
我哋只不過係出咗嚟一晚
如果今日就放棄之後乜都唔做
會唔會太對唔住梁天琦？
今日唔係endgame
後日都唔會係
我哋要對住嘅係一個世界上最強大嘅極權國家
如果你真係妄想一次遊行就可以成功
咁你同班水港豬都無分別
最後兩個重點：
1. 唔好浪費時間同藍絲三毛嘈
你嘅時間要用喺爭取今日嗰一百萬人支持行動升級
2. 唔好屌
如果你以前識鬧泛民屌票
同一道理，你唔會屌到和理非支持義士
兩日時間 大家幫手推輿論
等612有更多民意同更好既準備
