琴晚係我第一次參與嘅抗爭活動，今次會參加係因為好驚唔會再有下次，香港會就咁玩完。加上之前有一位對我黎講好特別嘅女性朋友提過要去遊行，咁有個照應好過無就去參加啦。
所以七點鐘放工後即刻趕落去遊行隊伍裡面，盡快行去需要佔據嘅地方，睇下有咩可以幫忙。
民陣散之前嘅嘢都唔講啦，無乜特別。咁我就留係立法會門口個邊，等大家係十二點後會有咩行動就跟上。等嘅時候都有聯絡個位女性朋友嘅，雖然佢到而家都唔當我係朋友，佢就話唔留低，所以個晚我係得自己一個。但係一個人有一個人嘅好處，行動嘅時候可以自由啲，唔洗顧慮一齊嘅人。但係如果一個人行動比人拉咗就係咁先，無人可以幫你搵支援。企前線個刻有小小淆，但係好快就比大家嘅決心感染，而且大家都會互相幫助，唔會dum低大家。
經歷咗成晚，係立法會食咗人生第一次胡椒噴霧同催淚彈，有同伴比人拉就衝過去拉佢番黎，幫人沖洗胡椒噴霧，搬鐵馬然後學識埋要三角陣咁放。基本野都差唔多識哂，今次當係吸收經驗值。黎緊11號晚都會出黎幫手。亦都有少少建議比新手。
1. 帶備多啲份量嘅物資係身
e.g. 口罩 因為比胡椒噴霧噴到口罩會焗住好興，有多嘅話可以即刻換
e.g. 額外衣服，同口罩同理，中招後更換，亦可以比企前線嘅義士換。
2. 水樽用完唔好dum，留黎裝清水比大家沖洗胡椒噴霧，琴晚真係唔太夠水，搞到中咗招嘅人行好遠先有得洗。
3. 後退嘅時候唔好完全後退，要回頭望下退到邊個位置，退多幾多就蝕多幾，好快就渣都無。
4. 組隊，黎緊個日情況應該更嚴重，警察行動都會升級，組隊嘅話可以有支援，一個比人㩒住其他人都可以叫幫手，同埋肯定有人幫先。
暫時諗得咁多，諗到下面繼續打。大家都可以分享一啲實用資料比新手，等大家可以有基礎咁去抗爭而又唔會覺得自己做唔到而企係後方望同跟住跑。
大家11號晚見
