係灣仔俾人圍完，有啲野想講。

慶幸安全翻到屋企，希望其他手足都無事。

係灣仔警署門口屈嘅依兩個幾鐘，同啲手足傾咗兩句。
有啲係經歷過好多次咁嘅情況，好多謝香港有佢地，唔理危險，每一次都企最前守護我地嘅香港。
有啲係第一次企到咁前，好似我咁。我唔想再要上邊講嘅個班人覺得得佢地自己一個去奮鬥，好想係佢地隔離，同佢地一齊去為香港努力。

個兩個幾鐘，無力感同憤怒係好強烈。我完全唔明白點解前面個班同樣係香港人嘅警察，可以為左為堵我地依一百幾十人而面目猙獰到咁。好費解究竟佢地係咪同我地身處緊同一個地方。
由立法會清場一路同所有人走到去被人圍住個一刻，我敢講在場無人會後悔自己咁樣做。

中途有人加入，有人離開，亦有係遊行完走左嘅人。無論你係邊一類，我都好多謝你地，係香港嘅依一百萬人，令到我地依一百幾十人留到最後嘅原因。因為我地感覺到香港仲有希望，即使好少。

仲有嘅就係所有給予過我地依一百幾十人支持嘅朋友，屋企人。你地嘅關心係好好好重要。

希望大家繼續努力，透足精神，我地好快會再見。

唔好對警察有任何幻想，冇一個會抱住內疚迫住打份工既心態，喺佢地眼中示威者= 殺佢地全家，注意唔係沖擊者，係示威者only﹐面對沖擊者佢地恨不得即時將你處死，呢個係鐵一般事實

點解會咁？ 佢地唔係香港人？ 警隊俾人利用黎同民眾對立但佢地根本唔知，成個文化風氣都不斷洗腦，有機會一定要將出黎示威既置諸死地，希望大家好好調整往後對面警察既心態

利： 前警員

希望大家星期二晚就出嚟，直接喺立法會等，唔洗遊行

警察有警察既洗腦方式，佢地之中有好多人覺得自己守護緊正義同治安

屌，你咁樣講我會好撚慚愧