我係告士打道被捉嘅其中一位 (長文)

由遊行 政總衝突 直到 告士打道被捉都喺到
見到有人睇到我地被捉打左句
自古英雄要負出代價 有感而發

民陣遊行有一百萬人 其實好感動
男女老幼 唔同國籍 更什大陸人都會高舉
反惡法 反送中
知道仲會有香港人都會肯出一份力
去發聲 去爭取香港嘅未來
好開心仲有咁多志同道合嘅香港人
喺到多謝你地嘅到場聲援

到遊行尾聲 民陣大約十點幾表示結束
政府十一點就出新聞稿 話十二號繼續二讀
個一刻真係有啲驚訝
政府竟然可以直接無視一百萬人嘅訴求
可能因為依個原因 有一大部分人選擇繼續留守
喺立法會門口 喺天馬公園草坪
中間有一班人一直提供物資 水 口罩
更什係回收膠樽嘅人
喺到多謝你地 無你地我地可能無辦法支持咁耐

直到十二點 政總衝突
我地係出面手勾手衝擊鐵馬
雖然比胡椒噴霧搞到人人
唔係咳 就係眼中左要洗眼
但係大家都無所畏懼
有人被警察拉走 我地都會去救人 齊上齊落
好多謝上面提供鹽水比人洗眼
同其他人比人捉住 上落”博”嘅時候伸出嘅援手
喺到多謝你地無做港豬只為自己 關鍵時刻互相照應

其實有人喺上面條斜路影相
我地政總入面嘅人叫你地落嚟幫手而無人落
佢地全部都屌你地無落嚟
最後先發現 你地幫手頂住一大堆警察
等佢地無得包抄我地
喺到講聲對唔住 同埋多謝你地槍口一致對外

直到速龍到場 我地節節敗退
退到告士打道
我地想封路 用鐵馬將車閘住
想用遊擊頂到朝早有人接替我地
可惜失敗收場 比警察包圍
被捉嘅一刻 只能夠聽警察講
坐喺地 手放後面 除口罩 除帽

自古英雄要負出代價
見到被捉嘅時候
身為記者嘅女仔被胡椒噴霧搞到眼都開唔到
等左成粒鐘先有人接走佢
坐我後面嘅女仔暈左
連佢家姐都唔可以上救護車睇佢有無事
我嘅朋友 想考嘅消防有機會因爲
依件事落左id卡有機會有影響

我地係英雄？我唔會咁覺得
我地無一個人係英雄
政治 一定有黑灰白
我反對 我上街
我唔以為和平有用 就用暴力
你地支持送中嘅 理所當然你一定有你理由
我只想同講 反對 同 左右不定嘅人講
希望你地可以理解我地做法
認同我地 理念相同嘅香港人 希望如果琴日無出
依幾日再有你地可以出嚟
最後機會啦
多謝你地每一位

I hope they will remember you.



Buy they will not

我想摘咗名之後有咩後果發生
利：其中一人

一段時間可能返唔到大陸，你無做過咩大單野應該唔會搞你

[連登戒嚴令] 到二讀完前人手置頂所有反送中post及 自動無視所有三毛及失敗主義言論
- 分享自 LIHKG 討論區
https://lih.kg/cKugOT

精人出口笨人出手
代表飯民多謝你
善款又袋袋平安
一早叫左大家和平示威架嘛

見其他po, 澳門有支那高官果陣reject入境
其他時間自由通行

喪屍acc

只要有你地嘅存在，我深信暴政終有一日會崩潰。
歷史會記住你地付出過嘅努力。唔好放棄！

多謝你地

on99警察
又叫人行前比空位後面啲人坐 又話全部人都要坐地 一企起身就拉
惡撚到你玩撚曬啦
我開聲屌9佢 佢就用枝棍對住我叫我靜

btw rip有個手足差啲比人捉出去 冇睇清楚後尾有冇寳得住
派餅巴打thx

比人審+守身個陣 隔離手足啲警察惡撚到又話講名講身份證number唔夠大聲又盛
好彩守我個個尚算態度好

Respect

between, 啲人話冇權禁錮 其實非法集會已經夠拉

但其實有冇得話 全部都唔識嘅呢 只係咁岩係同一個位比人捉

Hero

感動嘅係大家好肯救人，初頭仲喺煲底果時，衝唔係人人敢衝，嗌救人，好多人肯。

記得休息
日後仲需要你地

有機會上門拘捕