大家聽晚不散既話,過左不反對通知書既期限,差佬就好大機會會舉旗、拉人
1. 一定係盡量避免被捕,唔好好似左膠咁坐定定比人拉,俾人拉入去一d都唔好玩,亦都唔係拉左入去就係民主英雄,我諗呢幾年大家好了解呢件事,自己人入一個就少一個。
2. 眼罩頭盔盾牌可以帶,但如果你比警察睇中左或者有被捕既可能,最好即刻交比第二個人,或者扔撚左佢,因為萬一拉左你,你所有身上既物件都會俾人record低,有機會會成為你有預謀「犯罪」既證供,最後要上庭就會好不利。
3. 俾人拉既moment,係黑警最大可能使用過度武力既時候,係追捕你既時候,佢地會聲稱係「有需要」,然後打獲你。 如果落左扣、上到警車或者去到差館都仲打,就肯撚定係濫用私刑,好似七警幾條賤精咁。
如果你有受傷既話,有權而且一定要要求去醫院驗傷!反正48個鐘都無野可以做,既能浪費差佬時間,又可以留番個record。
但就算去醫院,醫生唔會主動幫你影相,有必要可以叫律師影低你既傷勢。
4. 會有差佬同你落口供。落口供既時候,一份係有關你個人background,呢份可以照答佢問題,但另一份係有關事發案情,你有權答「我無野講」。
只要keep住「我無野講」,或者直頭保持沉默,就唔會講錯野。千祈唔好話「我唔知道」,「我唔記得」,咁樣等於你表明左立場
如果有律師,可以要求律師在旁先落口供,但律師其實都係會教你答「我無野講」。
睇清楚份野先好簽名,有d 警察會呃你,幫你寫左d野,記住check 十次先好簽。
5. 差佬近年態度開始轉硬,好多時都唔俾保釋,更差係要直接等排期上庭。但因為有時人太多,而且好多人都係根本無做過咩就俾人拉左,所以都有機會會獲得保釋權既。
咁你就可以選擇保釋定係放棄保釋。
如果選擇保釋,就要定期番警察局報到,而且要hold保釋金,比較煩。
如果選擇棄保,就一定要等夠48個小時,一夠鐘,如果警方無時間起訴你就要放你走,咁你就唔洗keep住報到。
但注意呢48個小時未必係咁容易捱。如果警署臭格有位就會扔你入臭格,但你仍然可以要求見律師、打電話、見醫生
6. 差館入面既警察基本上唔會對你動手,但言語上既暴力同恐嚇都會好多,更甚既係可能套緊你講野。例如:
「咁你認唔認你地係犯緊法先?」
「講到條例咁差,有咩咁恐怖先?」
「唉你人生玩完嫁啦」
「其實你地都係政客既玩具尼嫁姐」
「你以為自己係邊個啊?第時想選特首啊你」
雖然係有得反駁,但我覺得無謂同佢地講咁多,反正大家既立場都唔會點變,你點都唔會感動到佢,而且你有機會會被佢地套到你唔應該講既野,所以沉默是金。
記住,無野重要得過你願意企出黎。
唔好再嘈交,唔好再分化,
唔好再自己人打自己人
認清楚你既敵人
加油!香港既未來就靠我地!