中學嘅時候唔識打扮，因為外表關係一直無男仔埋身，一直A0。直到升上U，我開始學識打扮，叫做多咗異性緣，但係我讀嗰科女多男少，生活圈子又窄，所以好難出pool。
見住身邊嘅朋友一個個咁出pool，我都好想搵一個可以依靠嘅人，有時放工自己一個搭地鐵，其實好孤獨、好攰、好想有個男朋友陪住我。
喺寂寞嘅驅使之下，我download 咗Tinder，開始match 男仔。好快就有唔同類型嘅男仔text 我。有一個男仔同我傾得最耐，佢大我5年，自稱係Kong U grad。其實睇佢icon真係唔太吸引，絕對稱唔上靚仔，甚至可以話醜，亦唔係我鍾意嗰type 。但係神差鬼推咁，我同佢交換咗wts ，傾咗兩個星期，佢約我出街，我應承咗。
出到嚟就發現佢同相有極大分別，真人更加樣衰，而且完全唔識打扮，着住一件T加背心連帽外套，係完全過時嘅打扮。。。我當下好想調頭走，但係又好似好hurt佢咁，所以就硬住頭皮同佢去食飯，之後去睇戲。過程好老尬，大家都無乜點講嘢。佢平時wts 講嘢好似好social 咁，實際講嘢就好似毒撚。
終於入到去睇戲啦，開場無耐佢就拉高過扶手，攬住咗我，我嚇呆咗，但係唔敢郁，一直比佢攬住，之後佢仲錫左我（各位屌細力d，因為我真係好怕事，唔敢出聲）
屌你老母呀！而家諗起都好核突
捱到去電影散場，我借D意走先，之後就block咗佢wts，del埋tinder
呢件事令我留低好大創傷，無諗過自己嘅初吻會比個咁嘅人拎咗，自此都無再玩過Tinder
唔知各位巴絲玩Tinder又中過咩伏呢？
