【回帶】香港冇救，做咩都on9，港女係雞，港男係狗，遊行唔夠激進，激進入獄抵死，獨立冇可能，要返工不了，快啲移民

高學歷廢青 · 2019-06-06T23:05:13+08:00

舊post archive： https://drive.google.com/drive/folders/16o5Xc_t72HBHhFC0ewfPsVQ9NAvknPUR?usp=sharing 內裏有舊post嘅Google Doc（老鼠天堂，共產顛覆手法，終止思想嘅諺語，等等）， RedDragon1 會員嘅詳盡Yuri Bechmenov「顛覆過程」新翻譯，仲有卷殘會員嘅Edward Griffin與Yuri Bezmenov interview嘅翻譯 ================================ 大家有冇覺得有一班人好鍾意無限loop以下嘅論點呢？香港冇救，做任何嘢都係on9，香港人唔buy你個套，你喺少數，你想做嘅已經做過而且冇用，唔好再發夢。港女係雞，港男係狗，港女幼稚，港男孱弱，港女淨係識錢，港男淨係識怨。遊行唔夠激進，激進會入獄抵死，嗌口號係今天我，請願信係打飛機，出聲名係嘴炮，街站係柒，演講係無人理，街頭衝突係犯法抵死。港獨冇可能，搵外國就係人哋唔會理你，搵台藏回獨合作亦都係人哋唔會理你，講願景就話你無條件，講條件就話你無計劃，講計劃就話你無願景，出國就係消失，留港就係弱智，發言就係鍵盤，做嘢就睇唔到，或者冇用。要返工不了，天氣熱不了，落雨不了，天氣凍不了，冇錢不了，有錢不了。窮撚生仔有害，有錢佬生仔都有害，中國人移民生成竇唔理。老人家係廢老，中年人係廢中，年輕人係廢青，總之成個香港都廢。快啲移民，香港冇救，留喺到係低能，好嚮往外國，人哋有樓你冇，人哋有錢你冇，快啲移民。 ================================ 1970年，蘇聯KGB特工Yuri Bezmenov叛變（無中譯，Google譯做尤里·貝茲諾夫），投靠美國，並公開蘇聯情報部門顛覆敵對國家社會嘅方法。由道德敗壞開始，令到寫個社會感到無助，唔團結，冷感，撕裂，以致崩潰，不戰而敗。呢套理論有學名，叫「顛覆」Subversion，而達到顛覆嘅行爲，就叫做 active measures / активные мероприятия。 2018年，中華人民共和國依舊行使同一套理論，務求不需派兵嘅情況之下，摧毀香港。以下係英文原版， RedDragon1 會員詳盡中文譯本，以及Yuri本人嘅lecture（好詳細，但係暫時未有中文字幕）： PDF link: https://drive.google.com/open?id=1AZBfKokD65LfA7e7g1gil-K_CcSrl0eS https://www.youtube.com/watch?v=SZnkULuWFDg 如果你冇時間睇哂成段lecture，個圖最後兩個顛覆步驟冇講清楚：「危機」係指令到社會運作嘅機器失效，唧係銀行停止發票，立法會停止會議，法院不能夠再審判。同時間，另類政府組織會冒起，如人民法院。「危機」未直接入「正常化」之前有可能會走兩條路：國際介入（多國戰爭），or內戰。但係如果冇呢兩樣嘢發生嘅話，就會直接入最後一步：「正常化」，係指「社會動盪被入侵者完全制止」，蘇聯嘅例子係俄羅斯坦克車入城，將原本親蘇聯嘅內奸、政客殺哂（因爲已經冇利用價值），由外來嘅俄羅斯人清洗一切反抗聲音，「正常化」個動盪。 ================================ 大家發唔發覺，其實Yuri講過嘅伎倆其實有好多已經係香港實行咗？其實由1997年開始，已經逐步實行。知己知彼，香港人係時候學下共產情報部門令到敵對社會崩潰嘅手法。雖然情況嚴峻，但係我哋仲未到不可收拾嘅局面。 ================================ 由列表可見，香港現時仍然處於第一階段，demoralisation，所以實在係爲時未晚！要對抗「共產式顛覆」，首要條件就係明白理論背後嘅運作，而我相信RedDragon1會員嘅譯本已經好詳細咁解釋咗。明白之後，就要時刻警惕，唔好畀「顛覆」手段操控你嘅意志。 Subversion係好陰毒嘅思想操縱手法，但亦都因爲咁，所以對抗嘅方法正正就係由思想落手。只要頭腦清晰，普通人都可以思想免疫。而香港大衆嘅思想存亡，就要靠大家幫手傳播呢個免疫嘅知識。請大家讀完呢個post之後，每一接觸其他新聞，其他人，都保持一個肯思想嘅腦筋，時刻警惕有冇一啲專登令人無助、冷感、精神崩潰嘅言論。一發覺就要指出可疑動機，並向有反應嘅人用你自己嘅表達手法講返究竟可謂「顛覆」subversion，講返原來近年香港社會咁死氣沉沉係有背後一個重大原因！只要大家肯傳播有關敵人嘅知識，我相信香港人會由沉淪嘅低點反彈。如果有巴打想嘅話，儘可以share呢啲知識出連登。你可以包裝成一個Facebook post，又或者WhatsApp message，甚至整Youtube片都得！但係記得，我以上寫嘅係爲連登仔嘅包裝，其他社羣未必受用，所以大家要識得變通，adapt。 ================================ 想知多啲控制思想嘅伎倆，就要留意將來嘅post，同埋追返已經post咗嘅伎倆：「不了，咁你做過啲咩，sad but true」：Thought-terminating cliche 終止思想嘅諺語 https://drive.google.com/open?id=1pgQxmTyn-aFmTfYfjaYkytmzdE9fJmAAFeG_pTImxHk 「廢老vs廢青，有樓vs冇樓，港女vs港男」：文化馬克思式分而治之Cultural Marxist divide and rule https://drive.google.com/open?id=1n5Jf3_m91xKXjkB2VTetXIXslU-jk82ZrEPTkHV2lJs 【操縱思想系列】「其實香港人仲差、美國都禁止辱警、日本政治仲黑暗」：蘇聯式反客爲主帶離題Whataboutism https://drive.google.com/open?id=1CYfhQ9A0pnozCJYsHdivO-PRXGFnLrNpoankhiTSKYc 【提防共碟】民間滲透破壞行動：Sabotage https://drive.google.com/open?id=15Pkun_GOE5odwl8ZbW0ze8YdaL2Y-LApLzgcBwcocfw 【開卷有益】修身齊家治國平天下：政治家育成reading list https://drive.google.com/open?id=11do5XJ-LLKD0HDHyCfNBT9hz4ADhGrBFFLo-QE2FEJ0 ================================ 最後，有更多Yuri Bezmenov嘅片，英文transcript，以及卷殘會員好畀心機做緊嘅中文翻譯： https://www.youtube.com/watch?v=y3qkf3bajd4 英文transcript： https://uselessdissident.blogspot.com/2008/11/interview-with-yuri-bezmenov.html 中文翻譯：<a rel="noopener noreferrer nofollow" href="https://docs.google.com/document/d/11b-0RiEaSKMRyRaU2PZpmRlzVMp9D3KBTOezezQ61bw/edit?usp=sharing[/quote]" data-sr-url="https://r.lihkg.com/link?u=https%3A%2F%2Fdocs.google.com%2Fdocument%2Fd%2F11b-0RiEaSKMRyRaU2PZpmRlzVMp9D3KBTOezezQ61bw%2Fedit%3Fusp%3Dsharing%5B%2Fquote%5D&d=y1Na9J3%2Ba6RuZUu1cPNYdMxo%2BBJMQuKxdmnOE2xo0FY%3D&h=ca118c6d" data-auto-link target="_blank">https://docs.google.com/document/d/11b-0RiEaSKMRyRaU2PZpmRlzVMp9D3KBTOezezQ61bw/edit?usp=sharing[/quote]