諗住喺樓下臨走之前錫佢一啖
就係錫佢嗰陣 眼尾見到佢背後有個好大隻光頭麻甩佬
眼甘甘咁啤住我
我嗰陣都覺得條友奇奇怪怪
咁見到女朋友行咗入去大廈嘅時候
嗰個麻甩佬竟然跟咗入去
仲要棟大廈咁啱冇看更
咁我行左兩步覺得唔對路就諗住打俾女朋友
諗住問佢睇吓佢搭𨋢返到屋企未
點知打唔通
我就心諗呢獲大檸樂
唔係瀨咗嘢呀嘛
咁就即刻行返過去 諗住等下一個住客入嚟嗰陣即刻衝入去
同時就繼續打返俾女朋友啦
打咗第二次終於打得通
原來咁啱我打俾佢嗰陣佢又打俾我
佢都覺得條友跟住佢 所以即刻打過嚟睇下我走左未
原來女朋友個陣行到一半 覺得條友鬼鬼崇崇
之後唔敢入𨋢住 驚個麻甩佬知道佢住邊層
所以就行返出黎大堂同走廊中間
等有其他住客嗰陣先一齊上去
咁最後嗰條友喺個大堂睄住女朋友蕩咗一陣
就揀咗部𨋢入咗去
之後電話接通咗女友即刻跑返出嚟搵我
我都捏了一把冷汗
所以奉勸咁多位男士 作為人夫或男友
尤其是女朋友住得偏僻嗰啲
或者住深水埗嗰啲
真係盡量一定一定一定
要送你哋嘅女朋友返屋企
如果唔係有啲咩事就後悔㗎喇
