講完廢話，開始介紹一啲值得一行既秋葉原AV鋪
ムーランアキバ
地址: 東京都千代田区外神田1-4-21
推薦程度:
(5為最高)
一嚟就介紹一間我響秋葉原最鐘意行既AV鋪
呢間都唔難搵，就係響山手線火車橋底，門口有隻鐵人28，非常易認
推介既原因有幾個，第一係闊落，入面碟架與碟架之間既空間夠兩個人同時並行。其次係分類好清晰，一樓係動漫精品，二樓就全層都係賣二手AV碟，三樓就係全新AV碟，兩層都有跟片商做分類。
另外新出AV好多時都響推出當日就有貨，跟碟送既相或者即影即有都好多，非常適合第一站就嚟朝個聖
相比起響大街嗰幾間ラムタラ，呢間比較少啲遊客入去，所以都適合入去慢慢閒逛
呢一間絕對誠意推介俾大家
順帶一提，ムーラン響秋葉原大街都有一間，不過冇呢間咁好行
ラムタラ秋葉原店
地址: 東京都千代田区外神田1-13-3 真神ビル 1Ｆ～5Ｆ / 東京都千代田区外神田1-15-2ミオス本館ビルB1F～6F / 東京都千代田区外神田4-3-2
推薦程度:
ラムタラ響秋葉原大街有三間咁多，不過其實三間入面都大同小異
ラムタラ同上面介紹過既ムーラン，仲有アリババ，三間冇記錯都係同一個集團，所以招牌啲設計都係差唔多。
比較唔推薦既原因係窄，首先佢都係第一層賣動漫精品，但條走廊真係窄得好緊要
一個人行都覺得辛苦，如果你係拉住喼又或者揹住大背囊，就唔建議你入去睇
另外就係因為佢用哂成橦大廈嚟做，所以由二樓到頂樓都係AV相關，唔同上面講過既ムーラン得兩層，變相你有心行既話就要行上行落去搵心頭好
當然入面都有Lift搭既
分類都還好，因為層數多，變相佢可以分既類別可以更細，可以響搭Lift既時候睇下佢每層大慨係點樣分類，再去搵心頭好。
MiS秋葉原店
地址: 東京都 千代田区外神田 3-11-5 D・B秋葉原ビル
推薦程度:
MiS就位處喺秋葉原既後街裏面，位置大慨喺秋葉原間唐吉訶德對面再後一條街，比較難搵。
相比起上面講過既ラムタラ，MiS會闊落少少，碟既種類唔算太齊，但有時都有啲冷門碟反而響入面搵到。
另外都係因為位置問題，呢間都係相對少遊客會去既，上次去間鋪連銀聯咭都碌唔到
另外推薦大家行下呢間野既後樓梯，有好多好多AV poster睇
エムズ秋葉原店
地址: 東京都 千代田区外神田 1-15-13太平堂ビル1F
推薦程度:
相信好多朋友第一次去秋葉原都會俾呢間野吸引住，原因係佢喺正電氣街出口附近。
エムズ亦係秋葉原少數有得做退稅既成人用品鋪，如果淨以買AV嚟計，唔太推薦大家入去。首先款式唔齊，新出既碟多數都冇，鋪頭入面部碟機成日播埋啲舊片
但如果係諗住買AV以外既成人用品，譬如飛機杯同情趣內衣，エムズ都係一個幾唔錯既選擇，因為佢始終係以成人用品為主，賣AV都只係其中一環。
地方都唔算太窄，拉住喼入去行都尚算方便。
ソフネット本店
地址: 東京都 千代田区神田佐久間町 1-6-4
推薦程度:
呢間我比較少去，原因唔係唔好行，係佢個位置比較格涉
唔係好順路
佢只有地牢一層，冇記錯好似冇Lift搭。碟既數量同款式都足夠，如果咁啱經過都可以落去睇下
，所以如果大家睇完覺得好睇又好丁既，就不妨買隻正版返嚟收藏
...
)
一陣可能店員有私人推介俾你都唔定
)
有排解釋，打咁多字好辛苦
