https://youtu.be/EBvssxjg75s
近排我都見到很多朋友，佢地對身邊既朋友講，記得要遊行，同埋去了解一下逃犯條例係咩事既時候。因為想好多時都想易d去接受逃犯條例邪惡既地方，很多時都會話逃犯條例會影響外資對投資香港既信心，然後外資撤資，香港就會變窮，錢少左，然後樓價趺，工都冇埋，從而好直接影響到我們的收入。
但係如果對於公務員，例警察、海關、消防員哩d，只要香港政府一日未破產，他們都會有收入 而且佢地係很大機會申請到公屋，所以點都唔會影響到佢地最基本既日常生活，咁唔通逃犯條例就唔關佢地事？
其實不是，逃犯條例影響既不單只係錢，最影響到既係我地既自由、人權
點解逃犯條例係引渡番中國，我們會咁大反應呢？
因為沒有人相信中國哩個國家，中國就係一個極權國家
佢地冇司法獨立，冇任何人權可言。人民係共產黨眼中係完全唔值錢既，冇價值亦冇意義。
而因為我地而家既議會已經完全失效，我地既代議士已經唔能夠幫助我地監察政府，對抗哩個政府，而令到所有惡法都可以任意推行。
為何會變到如斯田地？
如果要追本溯源，就要知點解會有功能組別哩個制度出現係而家既基本法內？
（我知道而家分組點票都係輸）
我地就要追索到《基本法起草委員會》，究竟哩本基本法係邊個寫既？
其實很簡單大家維基就可以見到 《基本法起草委員會》裏面全部都係親中親共的人
而係八九六四之後，連唔親中親共的李柱銘，司徒華都離開了《基本法起草委員會》
所以基本上剩下來的都是親中親共的人士。
所以基本法由頭到尾都唔係為香港人服務，而只係為共產黨服務。
而係共產黨角度，沒有理由有1997年7月1號至2047年6月30號都完全用同一種方式
去到2047年7月1號，突然由一個極度自由、充滿人權、安全的地方而變成一個極權國家既領土 所以五十年不變係一個偽名題。
自九七回歸以來，中央對香港既任務其實很簡單，就是令香港適應中國既制度。
所以我們會係哩50年來不斷面對挑戰，由當年既23條，到今日既逃犯條例，其實都係想我們盡快適應內地的管治。
所以，我們未來日子都會繼續面對更多惡法， 到最終，中央都是想我地在2047年之前，香港同其他內地既省市已經冇分別。
而最完美的結局，就係我地到2047年的7月1號。我地唔再在乎到底係唔係50年不變，亦都唔在乎係唔係一國兩制，或者到時候就已經再冇香港人。
所以我們今天想同大家分享一下，究竟一個極權國家的制度係點樣，比大家有定心理準備，如果你再不出來黎為自己發聲，我們的未來，或者我們的下一代，就會生活在哩個國度底下。
如果大家有睇過1984哩本書或者電影，去到哩度就可以上一頁
不過如果冇睇過1984這本書或者電影，就不妨可以留低睇下～
我唔會詳細解說這本書的內容，大家可以係youtube搵到十分鐘電影解說既片，都講得好好
而我會介紹一下哩書既男主角，身處既哩個極權國家是點統治佢既人民
哩個國家， 入面有一個領導人，叫老大哥，英文是Big Brother
哩個老大哥在政府部門入面被宣揚為一個偶像，一個唔能夠講他壞話既領導
一個至高無上既領導人，而且個領導人係唔會做錯，也唔會犯錯，而且做既所有野都係為人民。
而哩個極權國家，由四個部門所組成
1）和平部，雖然叫做和平，但其實佢係負責戰爭而究竟真係有戰爭，定係其實冇戰爭都唔重要，佢只係負責宣揚戰爭，佢地塑造到國家同人民有一個共同敵人。
當中有兩個原因， 第一， 國家同人民有一個共同敵人，令到即使人民貧窮，勒緊褲頭，食樹皮 而因為他們是為國家而戰鬥，為國家而奮斗，而無視貪窮哩個問題。第二， 人民專注對外，而忽略左國家內部既矛盾同問題。
2）富裕部主要負責控制、配給食物同商品
3）真理部是控制所有資訊，當中包括新聞、娛樂、教育、藝術。當富裕部未能兌現佢地既承諾哥陣，真理部就會篡改歷史，明明本身話比5粒糖，而家比得4粒，就會將歷史改成4粒，所以即使富裕部做唔到咁多配給既時候，他都仲係真實同埋正確。
4）仁愛部負責監控同埋將異見人士思想改造。而當他們發現異見人士既時候，因為所有人係出世一刻開始就被監控，你最驚咩，鐘意咩，佢地都知道。咁佢地就會用你最驚既野去思想改造你，精神折磨你，直至到你精神崩潰，然後你就會成為一個愛黨愛老大哥既人啦。
而哩個極權國家中，有一個詞彙：非人
當老大哥判定你是「非人」之後， 你就會係黨既歷史中徹底刪除，令到哩個人好府冇存在過一樣，徹底消失。
而係哩個極權國家入面，人民接收到既資訊都是國家打勝仗既消息，戰爭取得勝利等等，而最可怕既係，人民並唔知道國家是不是真係打勝仗，甚至乎，佢地連國家係唔係打緊仗都唔知道……
當然，我只是介紹左1984的冰山一角，他既原著，無論書或者電影，都是十分精彩，建議大家可以自行觀賞
聽完我介紹1984這本書裏既哩個極權國家之後，係唔係覺得好熟口面呢？
如果你不想你，或者你既下一代，在哩d極權國家下生活，我諗你知道你應該要點做
