高海寧其實係咪入錯行暨高海寧你問我答 《3》

初初覺得高ling係會做人第三者個啲feel
睇到你同啲巴打互動就覺得你唔會個啲女人 原來仲係咁nicee
所以人真係不可以貌相

好少睇電視 印象高Ling好串
原來咁Nice

高ling入到黎冇打錯過5p字

其實我好想問，點解大家對我咁無好感既呢？不如分享下...

umm 我追咗咁多個post大概可以用一般人角度答下
我覺得啲人對高ling冇特別好觀感嘅原因可能係因為啲八卦雜誌亂寫同埋角色人設嘅限制

一、啲八卦雜誌有幾distract人就唔使我講啦，唔知內情或者冇同高ling相處過嘅人好容易耳濡目染之下就對你有負面印象，先入為主覺得你係嗰種人，媒體要寫臭一個人真係好容易，日日同樣嘅新聞轟炸，啲人又唔去了解同埋諗下make唔make sense就會信咗

二、cctvb點捧人大家都知，咪就係嗰個人做開咩角色就俾咩type嘅角色啲artist，發揮空間好有限，次數一多啲觀眾（特別係啲師奶）好容易將個演員同角色掛鉤，覺得佢就係咁嘅人，我自己有印象嘅角色有法網做doj嗰個（冇睇套劇但高ling有啲scene唔知點點解記得好清楚，包括喺個party話自己係doj嗰幕同埋上庭嗰幾場），仲有戲分再重啲嘅愛情食物鏈（如果冇記錯），呢套好似係做個想釣金龜嘅角色，有少少反派，再加上有啲自卑（因為賣魚？），同婚姻合伙人做主角唔同，相比之下冇得好似合伙人咁貪錢得咁「合情合理」（由壞變好），所以觀眾對你嘅貪錢印象好深 好感咪冇乜囉

利申：9up 但希望你角色轉型到，做主角唔係淨係虛火啦 明明做正氣角色（doj）都唔差，硬係唔知點解你公司成日都要俾啲「望落只靠美色上位」仲有「男朋友阿媽唔中意你」嘅角色你

好感激你答得咁認真！我都覺得娛樂新聞既影響力真係好大，但作為當事人，我好想講個真相俾大家知：
1，娛樂雜誌需要用誇大吸引既標題，去吸引大眾俾錢買黎睇，所以大多數水分好多，其實最精彩既已經擺晒o係封面，內文多數係因應標題作得就作，總有好多「密友」爆料，其實全部都係作d證詞等表面證供完整！舉例：我最近既雜誌封面話我就快嫁人，封面只得我去supermarket買嘢既相，呢d一睇就知無料到！果日我買嘢返屋企慶祝母親節，影相既記者都知，有過黎傾計，但寫既係編輯，所以就作我返屋企煮飯仔；跟住第二日我去影dog magazine既封面，本書已經買得到啦，影相記者都知架，不過編輯就寫話我去傾影結婚相既嘢！跟住又話我同Ali去巴塞係事先去睇場地，但係人都知我去巴塞係因為接咗保險公司annual dinner MC job，順便去旅行，報紙就出過幾次！所以你話呀，雜誌既野可以信幾多成？當然，有圖、有片、有真相果d新聞就另計啦！
2，報紙就好d既，通常雜誌亂寫一通，我地可以透過出活動見報紙記者黎澄清件事，還原真相！
3，被角色定型當然都係問題之一，但作為演員，我地無得揀，有劇開就要把握機會磨練演技，做好每一個角色！我無得話淨係演正面、乖乖女既角色，有時反而覺得呢種角色好唔真實！人總有優點缺點，有自己在乎的同痛恨的，有光鮮的一面也有黑暗面，而每個人的性格都唔同，呢d先係真實！所以好似Kimchi咁，佢雖然好貪錢，但佢係有原因的，而且邊個唔貪，人人都貪，只係貪既嘢唔同！呢d角色複雜、貪婪、有變化、而且夠實在，對演員黎講先夠好玩！我唔想錯過呢個角色！其實外國都有好多演員會演活奸角，但觀眾一樣咁愛佢，所以我唯有盼望我也有咁既一天！

高ling好認真咁答
原本無乜好感 到宜家加曬分

太長唔quote啦
估唔到高ling打一大篇野回覆

我覺得報紙雜誌或多少會有唔少水份
同時我唔係唔相信高ling既為人性格同處事
但有時某d藝人既緋聞係空穴來風未必無因,
例如希哥,未有閃卡事件之前報紙都寫到佢同好多女星拍過拖有緋聞,最後事實都證明左報紙佬寫既野又真係有d根據
我相信報紙佬雜誌佬或多或少會掌握到少許既先會咁寫囉

所以有時睇呢d新聞要有批判分辨能力
看圖作文或者果d用代名作果d gossip news
果類新聞就當笑話睇下算啦

我想問你係咪一開始就做配角冇做過茄哩啡 同埋第一句對白有冇ng

高ling我又想問喇
如果套劇完咗
你/其他藝人 會唔會潛番水
定係會繼續同大家傾計

太長唔quote啦 好多謝高ling覆得咁認真啊，演員來講都係角色同演技係最重要嘅，就算俾咩角色都會有一定得著，其實咁多年來講，普通觀眾都已經睇到有進步咗，只要keep住有作品出就會變好嘅，而且睇你解返畫真係覺得雜誌啲「看圖說故事」好犀利
祝福你越來越好啦

「shit」算唔算？

做香港公眾人物最好戒埋呢啲口頭禪

KELLY直播打機
都講MOTHERFUCKER

鬼妹唔同

間中追幾頁post
唔知有無巴絲問過/答咗
高ling你咁樣上嚟公司有無傳召你

其實我好想問，點解大家對我咁無好感既呢？不如分享下...

純粹同性相拒？
無惡意個隻無好感
即係見到你唔會轉台
亦唔會因爲你去睇一套劇咁個隻無好感

咁都ok！我都無咁失落！

痴線
睇完你好咁一個個覆
感受到你個份認真
亦唔會因爲我地係一班網上nobody就hea我地
有啲感動

幾種啦，我好蠢架

你識邊幾種呀？程度去到邊呢

廣東話、普通話、英文、南京話！

睇wiki話你藉貫係廣東潮州，即係你爸爸果邊係潮州人，應該係真
咁你係咪細個已經會同爸爸講廣東話，定係佢由細到大淨會用普通話同你溝通