木結他fingerstyle：手指vs指甲

話說小弟呢排開始玩fingerstyle(自學)，開頭都係用開手指黎彈(冇留指甲)，後來發現有nail attack呢樣野之後就開始留指甲黎練下


咁之後我先發現有指甲同冇指甲彈出黎嘅聲差好遠，有指甲嘅聲bright好多但音量好難控制(因為我廢，成日彈到爆聲)

但我見YouTube好多玩fingerstyle嘅結他手都留到好長指甲咁

有冇高手可以指教一下我 教下我點樣可以用指甲黎彈fingerstyle又smooth又bright又好聽

唔好留太長同埋要搵野磨架

用指甲鉗磨得唔得架？
同埋想請教埋巴打，用指甲嘅彈法係咪同用手指一樣架咋？定要細力d，我一用力佢就勁大聲

指甲每個人都唔同
要自己慢慢磨出屬於自己既形狀

爆聲會唔會係你枝結他痴fret?
或者可以換條high tension弦試下有無幫助

用012弦算唔算係high tension？
爆聲可能係我太刻意用d指甲去大力彈條弦掛我估
其實係咪應該條弦係hi過d手指肉先再hi到指甲定淨係hi d指甲？

0.12係high tension無錯
巴打係邊條弦會爆?

我正常嘅彈法只會姆指掂到小小肉
主要都係指甲彈

多數係1 2弦爆
其實用指甲彈個手勢應該係點樣？
我上網睇d人係同條弦平行咁彈，但我咁彈就會爆聲，反而斜斜地一隻手咁彈就冇咁爆
究竟邊款彈法先啱

平行個樣

唔記得講我係彈古典
指甲可能同方便掃chord嘅形狀有啲唔同

古典正常放鬆擺法係咁


我指甲長度大約長呢個小小


彈嘅時候可以跟圖一形狀放
然後好似渣拳頭咁齊奏
大力空弦做到又齊又唔爆就記低個感覺
呢個係你枝結他暫時最大聲量

如果只係12弦爆應該只係太用力
6條弦用嘅力度都唔同
用唔同手指彈同一條弦都要用唔同力度

至於正確手形
如果有經濟能力
最好都係搵個”好老師”打好基礎
YouTube有好多手勢都係錯到離曬譜
同埋就咁睇片好難知道自己姿勢、發力、角度有無問題

感謝巴打指導

發現自己問題應該係彈條弦果陣隻手指隊得太入(慣左咁用手指彈)，慢慢習慣下淨係用指甲黎撥條弦先(宜家覺得好唔慣)
同埋可能我指甲應該都係留得太短

如果覺得kick下kick下
留意指甲磨得夠唔夠圓滑
同埋要磨薄前端嘅指甲
然後最緊要搵出自己好彈嘅shape

個個隻手都唔同，手形唔可以一概而論
總之手腕夠直，勾線靠拳頭關節唔好指關節就得
有啲人掌肉厚，唔曲少少手腕出去會hi到弦

點樣可以知道自己係用緊指關節定拳頭關節

同埋點樣先知自己姿勢啱唔啱 係咪d聲啱聽個姿勢就係啱架啦其實？

首先要問一樣野
樓主係彈鋼線結他還是係魚絲結他

如果係前者 其實指甲對音色既影響
其實唔明顯
反而魚絲結他 指甲對彈奏音色影響
就真係可以好大

我唔知樓主所謂 "有指甲"同"無指甲"係乜意思

咁講啦 如果好勤剪指甲 剪哂白色位
咁彈奏時 由於指頭缺乏指甲支持
所以彈出黎 聲音會較暗 同 細聲

有留指甲 由於指頭有指甲支持
所以彈出黎既聲 會較大
但注意一點是
指甲修得唔好 撥弦時 會"kick"住"kick"
同埋彈出黎既聲 會好sharp但stay 得好短

指甲修得好 撥弦時 條弦會順住指甲走
大致個形如下:




BTW 呢個圖只係參考 點樣修指甲
係要視乎個人情況而定
例如撥弦時入線 出線角度 撥弦手法等
不能一概而論

假設你係彈classical guitar

首先第一樣野 係要識得點坐 其次係點hold 住支結他
連坐都唔知點坐 結他都未識hold
講乜鳩野都係side氣

假設係左禁 右撥
最好係坐係張櫈度 而張櫈個高度
係你坐係上面 雙腿拼合 腳板貼地
腳彎大約成90度

然後就用一個腳踏 墊高左腳
右腳微微向外打開

結他個凹位 就放係左腳上 右腿做支撐點
呢個時候 支結他會有三個支撐住
1. 左腳 2. 右腳 3.心口

咁樣 就算你唔用手扶住
支結他都唔會跌落黎

大致上 如下圖所示:

我係彈鋼絲結他嘅

因為我之前就係巴打你講果款剪嗮d白色位指甲，淨係用指頭肉黎彈宜家留翻d長d指甲先發覺用指甲嘅音色令好多，想習慣翻用指甲

巴打有冇玩開fingerstyle？用古典嘅手法黎彈鋼絲結他fingerstyle得唔得架？

話說有冇pro人知道點解有d結他手嘅指甲係剪到咁
佢係預斜斜地咁勾上去條弦到？
如果d指甲係同條弦平行咁勾應該唔洗剪刀咁？

理論上classical 同 acoustic
技術上 係相通
不過實際上 又會有唔少唔同地方
而呢D唔同地方 去到中段開始 兩者會越走越遠

有睇過坊間既教學書
入門技巧 其實兩者個訓練方法
基本上係一樣
不過上面講左 單講指甲 兩者既要求 都相差幾遠下

acoustic結他 一般上 對音色要求相對無咁苛刻
而實際上 分別亦都唔係好大
但classica結他 係追求音色極致
由指甲 出入線角度 撥弦方法 都對音色影響極大

當技術不斷提升 你就會發覺 classical結他
其實係對基本功不斷改善 達至更好

acoustic 基本功當然重要
但去到某一階段時 為左追求彈奏效果
係要改變你彈奏方法而達到

最簡單例子 就係Mute線

返番去樓主個問題
究竟吉典手法 用落去fingerstyle 得唔得

答案係 得 亦都唔得
得 係因為基本野 都係一樣
唔得 係因為fingerstyle 有好多特別技巧 classical係無既
例如slap palm呢D

你呢個角度睇 係會覺得有問題
但係如果係撥弦時 係側面睇埋去
你會發覺D指甲係成一直線 無長 無短

BTW acoustic 無必要修指甲修到咁
最大原因係 無必要 另外係 修到咁 指好易崩

side

同埋呢個classical posture記住係右手forearm去hold住結他

唔好用左手hold neck

咁講其實唔係完全正確
當你用呢個姿勢去坐時
右手大約個臂彎前少少個位
輕輕"挨"住支結他 但絕對唔係hold住
因為會影響右手靈活性

我唔知點形容個posture

所以有啲miswording I apologise

lm

點解我要講得咁仔細
因為如果真係要用右手去hold 住支結他
個身就會好自然咁側左去右邊
成個人就好難坐直 成個坐姿就會變形
尤有甚者 係會右邊身側哂去右邊

想問下classic係咪會用手指嘅唔同部位，例如指頭肉/指甲再加上唔同角度/力度去彈唔同音色出黎？

acoustic guitar係咪可以做到架？
有冇咩方法可以好易控制到支結他出自己想要嘅音色？巴打有冇咩練習方法可以分享下？

(利申有時彈彈下覺得d音有d dull，但有時彈彈下又覺得佢太大聲太刺耳)