36歲謝婷婷外國秘密產女　晒BB手仔報喜

現年36歲藝人謝婷婷早前一直有傳於外國秘密產子，佢今日突然喺社交網上載一張捉住BB手仔嘅相，留言：「You are my brightest light.（你是我最亮的光）」仲透露係囡囡嚟，依家已經一百日大。唔少圈中人包括好友鄭欣宜、鍾嘉欣、鄭希怡、吳雨霏、丁子高等都留言祝賀。而佢去年5月出席活動時身形依然Fit爆，並指仍然單身。


謝婷婷經理人回覆：「今日是BB出世一百日，婷婷好開心，亦多謝大家關心，至於其他就等婷婷返嚟再講喇！」而記者就此事致電謝賢，他承認做公公，並笑得開懷：「總之，開心啦！」他指婷婷身在外國，暫時未見過外孫女，問婷婷是否身在美國？四哥笑說：「係啩，哈哈！」至於問到BB的生父是誰，四哥說：「佢鍾意就得啦，你哋唔好咁八卦。（係中國人定外國人？）唔知喎，點會知，總之佢唔喺香港。」

謝霆鋒則透過經理人霍汶希表示沒回應。

https://hk.on.cc/hk/bkn/cnt/entertainment/20190602/bkn-20190602120613593-0602_00862_001.html

鷹眼個女