[夠細奇則] 第5集 - 163尺單位住1個人 (七人車 車位咁大)

只相等於七人車大的百多呎單位，要解決一切生活需要可以怎安排？163平方呎的單位扣除廚廁後，只得60多平方呎的起居空間，變形傢俬設計師Dickson如何利用多功能傢俬令小空間有床、梳化、餐枱及儲物櫃？《夠細奇則》話你知！

http://www.hkopentv.com/#/videopage/BW00899

推

呢個節目好好睇

其實入門口左邊可唔可以改改佢做返個鞋櫃

今集好無聊
純粹擺幾件家私
毫無設計

係, 住到人就算,
突登CAP埋圖俾大家做個quick view就算
個節目幾好睇,主持仲入去住下當體驗
呢D夠貼地

第一集都住到4個
呢集無難度

等睇 128 呎龍床盤可以點搞

以前覺得而d梳化妝幾好又慳位
然後現實係好撚麻煩日鳩日咁又拉又收搞一大輪
最後就變左下面張圖咁
長期拉落黎，然後間屋就係張床都霸曬空間

無乜雜物都已經逼到咁

日日住係入面遲早焗到跳樓

呢啲單位50-60萬先叫正常啲

15/6 都出左街啦，無人講既?
有周俊偉呀！
我覺得今次個設計算中規中矩啦…我估到既元素佢都有。
拆晒牆間櫃，廚廁調……
雖然我仍然覺得……廚廁調真係有必要嗎？

呢2日忙未出post 俾大家討論

我明呀，但不一定要廚廁調，extend個廁所咪得囉

第六集啦喂! 無人講既? 莫非係單位太正常，無talking point?

今集個裝修費18.5萬，應該唔包料同電器。
感覺上個設計師都算唔話得，咁細公屋擺咁大個雪櫃……
但有樣野唔知係咪個屋主自己bad taste, d顏色襯得超級肉酸!
首先入屋用淺綠色漆油配綠色地磚再配深綠色梳化，但櫃係木色，完全唔襯! 好肉酸，真正公屋格。
一係，牆色係淺米黃，梳化配深啡，地磚配淺啡，當堂順眼晒。
如果要keep綠色，就唔該櫃色用番白色，淺米黃……
個廚房隻磚好70年代，而啡中帶綠色吊櫃又同樓下廚櫃唔襯。
廁所隻磚又係顏色好怪，地磚如牆身磚又唔襯色。
如果廚廁磚統一用番啡色感覺上係順眼好多。
最失敗係阿媽房!
如果阿媽鍾意桃紅色，咁無理由仲用綠色漆油!
應該用白或淺米色。個桃紅色衣櫃門似足神主牌! 搭配綠色牆同上面既木色堅係肉酸!
正常計，女主人鍾意桃紅色有幾個位做，唔好做衣櫃門，度衣櫃門做番正常桃木色。
個首飾櫃塊絨可以用桃紅色，窗簾可以用桃紅色，床單被鋪都可以用桃紅色。
咁樣就可以保留屋主口味而不致於肉酸!
呻完啦！
大家有咩感覺呢？

間屋係細無得講。阿仔間房好窄。