有冇人箍緊Zenyum/smilelove嘅隱形牙套？

之前個CS又話有個list 原來可以自己搵 想搵返個黃牙醫搞

師兄要箍幾耐

我唔係好趕時間 佢話想穩陣就14日先換
所以都要大半年啦
係呀 你可以問下你個牙醫有冇做開

TST

咁又老實講，如果佢覺得你唔啱直接reject你都好既，好過其他態度好但唔啱都收你症
做Zenyum 既過程cs態度幾好(但product就另一樣野，考慮緊再搞唔掂直接再比錢轉第二間算)

而家門牙係拍埋左，就咁睇好ok，但我除箍大牙一咬合，下排牙就會頂番上面排牙出黎，食完飯門牙又會有翻gap，已經頂出頂入無限loop左好多次

而家嘗試zenyum 再rescan，睇下下排磨牙可以收入到幾多，最worst會比多2萬幾去另一間公司算。諗到最後埋單要4萬幾好on9，一早用貴既brand都得


我之後有再consult 其他醫生，佢唔推薦用zenyum話無牙醫跟進。我諗如果大家係勁minor，例如之前箍過但走左位既會適合，涉及到唔夠位既一直有牙醫跟進既好d。醫生有推薦一d聽都未聽過既新公司，係平+有牙醫跟進，大家直接上自己睇開個牙醫度問下有咩適合自己先會安全好多 。

而家箍成點？我唔係尖沙咀，療程已經去左一半，so far幾好

我今日smilelove帶到第12個牙套
keep住有影相做紀錄
好彩都真係有分別
特別係下排牙齒
不過佢地真係零服務
比完牙套同頭3個要自己剪之外
再無同佢地接觸過
希望真係可以跟住個牙套進度啦
如果重新選擇過
我一定唔會搵佢地做

今日第一日戴zenyum，門牙中間磨走左成0.5mm，而加感覺條隙好大覺得好肉酸，又好驚泊唔翻埋

其實z同sdc 分別係咩？好似無咩人揀sdc既

我好彩磨下排牙唔太覺眼
但其實帶牙cool d牙都會有條隙應該係比佢移位
我去到第5,6個陣門牙牙隙都好大
但宜家又合翻埋
不過我上排無磨我都吾知2隻兔仔牙點樣有位入翻去

你箍到第幾個先開始泊翻埋？
我而加日日照鏡望條罅
好想佢快啲痴翻埋
跟住帶左箍真係無心機除箍食野
除箍既時候幾驚啲牙會甩埋岀嚟

我諗應該就係z有牙醫跟, Sdc冇.

我本身都以為係，但其實z都唔算有 sdc 就完全冇
Z係你箍前有牙醫幫你睇同scan($1500)，療情完咗望一望覺得ok就冇
因為z我箍失敗左，出去搵另一個醫生，佢話z冇醫生跟進，其實出入會好大，我諗作為醫生跟進係一直monitor 住你情況，覆診同adjust

希望你地最後出黎result ok，我既case係佢根本唔夠位收啲牙入去，但唔知點解又唔點磨牙，做到最後stage攪唔掂局住又要俾錢re-scan， 咁重點係新嘅plan都係唔得，新加坡同香港醫生講既plan好大出入
100%唔推薦zenyum，除非本身係箍完牙走位，肯定夠位排番d牙，z就係抵既。

我而家新plan等左兩個月，上兩星期我追佢佢先有respond ，點知出到嚟個plan完全同香港醫生講嘅兩樣野，而家等咗一個星期都未有新plan

利申: 今次重箍第三次，條牙縫搞左成年都未得，好後悔搵左z。(大家睇番一年前既post會見我讚佢地客服，點知而家搞咗咁耐簡直係折磨)

下。。我本身係無牙縫，但就係因為磨左牙，而加牙同牙之間大約1mm牙縫，好擔心完箍之後啲牙縫泊唔埋
你條牙縫本身係幾闊架？但你唔係話你啲牙太逼咩？

想問下ching成果如何

1mm?!定0.1mm呀？我本身門牙牙縫應該大約1.3mm左右，咁你都磨得幾闊咼，只係磨一隻？你d牙咩事呀？
我情況係要箍上門牙牙縫，本身下排好齊。而家佢將上面成排牙收入去，但下排牙無得點收入，就變左下排牙頂住上排收入去既牙，一咬野上面排牙就頂出，牙縫出番黎

想問有無人做過Invisalign go?好似唔係好搵到有人做過咁

我係想收上排兩隻兔仔牙，所以就磨左上排門牙，仲有兩邊d牙縫比位佢泊翻入去，佢寫就話中間磨0.5mm，即每隻牙0.25mm，但我感覺成1mm咁闊
不過我都係岩岩箍左10日，應該未有咁快會泊翻埋

唔洗咁擔心住，箍多幾星期會泊返入去架啦，會ok既！最緊要無因為磨太多變敏感牙齒

你開頭箍都係可以泊翻入去？
但之後因為下排牙頂翻門牙條縫岀黎？

係，我而家等左個幾月未有新plan，期間係每日戴住牙套，一除牙套門牙係齊無牙縫既，一咬合就頂番條縫出黎。

之前同牙醫講呢個問題，佢話係正常，叫我要一世都戴牙套，食完野就戴 ，或者比$5000整瓷片。希望你嘅醫生唔係姓趙

不過嗰個人情況唔同，唔好咁擔心住，可能最後OK呢

就黎箍完Zenyum retainer 有無得第二度整平d