「不要不要假設我知道
一切一切也都是為我而做
為何這麼偉大 如此感覺不到」
首歌係怪責爸爸點解唔識表達對自己嘅愛呀！
仲唔明？咁睇下呢句：
「任世間怨我壞 可知我只得你
承受我的狂或野」
歌詞係想同老豆講，出面社會好殘酷好多挫折，佢只係想希望老豆多啲行動去表示關心
偏偏好多人以為首歌係用嚟歌頌老豆
成日都聽到人聽完單車就話諗返起自己老豆有幾好又點 我都唔好意思糾正佢
一首歌已經證明咗某些人根本唔咀嚼歌詞
唔怪之得陳詠謙啲垃圾詞都出到位
香港樂壇之所以式微有部分原因就係啲聽眾
連歌詞都唔撚睇 點可以期望有好歌出呀？
我想講嘅係咁多
你哋印象中有無其他歌意思都成日俾人誤會？
討論下
