我第一次返pt
daddy mammy ,uncle john同埋auntie daisy就教我一定要熱愛你既工作
一定要無時無刻都要專心響你既工作上面
唔可以偷懶
咁今日第一日返工啦
我返1200-1800 咁我11點半就入去
首先果個組長哥哥一見到我第一日返工就食飯先
咁我拿拿臨用左10分鐘就食完
仲有20分鐘 咁我諗住立即搵返組長快d做野
因為食完野成個人都抖完氣啦
係時候要全力工作
同埋我覺得 要為廣大馬迷服務 效率係好緊要
寧願快D食飯都唔想令佢地買唔到馬唔開心
不過個組長就同我講:仲有20分鐘喎
咁我就話:我真係食完飯啦
佢死都未肯俾我做野住
我個心真係好唔舒服
一來我想做野 你又唔俾我做
二來我聽到D組長哥哥組長姐姐都響度細聲講大聲笑
我唔知佢地笑緊邊個啦 但係我好唔開心囉 一間大機構D人唔係應該專業D架咩
好啦 真係開始做野啦
有個哥哥 大我兩三年啦 睇實我
咁佢都幾好人既 幾健談 又好肯幫我
咁跑完一場馬 佢帶我去廁所
咁我屙完尿 佢就介紹佢D FD俾我識
佢地一開始就話: 放心 我地會照住你既
不過我就話:去完廁所 我要快D返位呀
咁我行出廁所門口果陣我好似聽到D恥笑聲
我唔知點解 但係我覺得好嬲
我返工做野係天經地義 唔係去蛇王識朋友架
咁我返去我個位度啦
我見到個場景嚇左一跳
乜 咁 多 人 唔 響 個 位 度 既 ?
我一返到黎既時候個組長哥哥就提我要六個去一個
但係依家完全係兩回事喎
我同個組長姐姐講: 搞錯啊 佢地咁多個都唔跟規矩呀
組長姐姐就話: OK我會處理
話就話會處理 佢地班人返黎果時 個組長姐姐就完全冇出聲
成班人都唔跟紀律既 點俾到顧客好既服務呢
我同個哥哥講: 搞錯啊 佢地咁多個都唔跟顏色組別呀
佢同我講: 算啦
我嬲嬲地 有少少想喊: 咁係呀嘛
我見到成班人響到WRAP WORK陰陰咀笑
話乜野個O靚仔唔識做 乜野正義撚 煩西
我隔黎個妹妹(都係新人)仲要同個FD話:我隔離個新仔正一小學雞
我更加唔開心
去到收工 就梗係拍卡先啦
之後見到好多人未拍卡就走去廁所
就同個主任姐姐報串
咁個主任姐姐就同我一齊行去廁所門口趕人
我聽到成班友話: 痴撚線 死傻仔
走果時聽到有個死飛仔同佢D FD話今日有個新人好ON9
一聽就知道講緊我
我真係好嬲
我想講: 我 冇 做 錯 到 !