貓仔尿道造口手術

有無人嘅貓仔做過呢個手術呀？

風險大唔大呀？
住院導尿導咗五日，都仲係屙唔到尿
照完超聲波話膀肛無沙石

插唔到尿喉？

插到呀，不過feel到有一段收窄咗
同埋拆喉後都係屙唔到

下 屙唔到尿會中尿毒㗎喎
醫生有冇話點解有一段收窄咗？
我隻貓仔都插過兩次尿喉 醫生話再有下次就要做造口手術

所以而家仲住緊院插尿喉
醫生話可能因為佢之前發過幾次炎，有可能纖維化咗（好似結咗焦咁）所以窄咗
或者都有可能佢天生窄啲

插咗咁耐尿喉一定好辛苦了
但我之前上網睇過造口手術即係變性手術，好大風險，個傷口容易爆開同發炎。
我隻貓睇開果個獸醫就話係救命手術嚟，如非必要都唔做。
你個獸醫點講？

問咗2個獸醫，我嗰個話風險唔大；我朋友睇開嗰個話如果醫生做開，就風險好低

朋友獸醫話，我貓貓已經試過幾次，建議做

希望一切順利啦 貓貓幾歲呀

而家去接佢出院！！！
希望佢生生性性啦
不過真係要食處方糧了

我隻貓6年前有做過，當時醫生話再唔做手術會有生命危險。
做完之後一個月都要細心照顧傷口
貓貓之後冇哂結石，或者去唔到廁所問題，好健康

補充返，做完手術之後有一兩年冇餵乾糧，食hills 嘅C/D配方罐罐。
而家冇食配方，乾濕糧都食得

我果隻都係餵緊c/d糧 但遲啲想轉返thrive 好似營養啲咁

琴日接咗佢出院之後，夜晚又去唔到尿尿，嚇到我馬上帶去大圍間24...
但半路又屙咗尿尿，最後都無睇嚟就打道回府..

今朝本身返診所打皮下水，最後叫醫手順手睇吓佢個膀肛，結果醫生話佢都係屙唔到，而家安排咗聽日做手術

唔捨得佢開一刀，但佢五歲仔已經試過4次血尿....
醫生話可能佢本身體質就易尿塞...
樂觀啲諗... 如果佢易反反覆覆... 咁襯佢後生開刀... 都好過佢老咗時afford唔到個手術嘅

你貓貓今年幾歲呀？

唉 我都唔想餵佢食處方糧...
一直餵緊Origen 但而家又係到諗，係咪我太硬頸 唔肯比處方糧佢食，先累佢而家要捱一刀

我貓貓做手術時3歲幾，今年黎緊10歲喇
果時我都掙扎做唔做手術，身邊啲朋友話通兩三次就冇事，唔需要咁嚴重做手術。但我醫生話已經通左好多次都反反覆覆，已經住3-4日院通尿道都冇用，最後都係選擇相信醫生專業判斷。

做完手術後貓貓要一段時間康復同適應，要俾多啲耐性照顧佢，可能佢會因為未習慣，唔小心瀨尿，或者可能心理因素會專登唔用貓砂。盡量佢做錯或者鬧脾氣唔好鬧佢，令佢壓力小啲。
但見佢慢慢好返又再冇屙唔到問題，我心都安落啲

你擔心都正常，希望你貓貓早日康復

唔好咁自責，你醫生都話可能係體質關係。
我當時都好自責，覺得自己唔識養先搞到咁，
當時醫生安慰我，話食乾糧比濕糧易有結石，因為水份唔夠。佢話男貓仔都比較容易有呢個問題。
你再同醫生討論之後要點餵，同要注意咩，但要有準備可能洗費上會增加

我隻貓都係食左年幾2年處方，慢慢轉返正常，佢而家仲好健康，不過老貓10歲喇，成日訓覺唔肯郁

多謝你嘅分享呀
希望大家嘅貓大人都健健康康啦

你記得當年貓貓術後住咗幾耐醫院嗎？

好似5日左右，加埋前面3-4日通尿道，前後接近2星期
你獸醫話要幾日？

其實我唔明比濕糧係咪真係咁難
幾次尿道炎都唔捨得轉？

不過難聽啲都要講⋯⋯唔好介意，造口手術係好啱你呢種主人，之後點餵隻貓食乾糧都唔怕啲石塞住尿道，就算比沙石磨擦到膀胱發曬炎但尿道夠大一樣流到尿，可憐隻貓咁就一世（你企喺貓仔角度諗就明⋯⋯養你嘅人唔比濕糧你食，而你又因為體質問題唔會識定時自動飲水，長期脫水下攪到幾次尿道炎，住人於是帶你去切jj想一了百了，罐頭錢又可以慳翻，下次點發炎都唔怕）

你唔知頭唔知路就亂插人好威？

成屋人出哂門返工、放低啲濕糧一整日、無人理佢有無變壞，等到人六七點返屋企先換好咩？

價錢係問題嘅話，我晨早就諗都唔諗比處方佢食啦，平一半又大包一半

怕罐罐咸，除咗久不久比罐罐佢開心吓之餘，我間唔中夜晚我整手撕雞肉連湯汁比佢食，又要話你知？怕激素對佢唔好，我仲買無激素雞呢

我又唔覺我隻貓飲得特別少水喎？佢成日都自動自覺走去飲成分鐘水、個水兜一日都會最少refill到一次

醫生話可能佢天生易塞我都無計
佢上年都無復發過
不過最近仲要我屋企有屋企成員過咗身，可能會好影響貓貓心情，先令佢今次咁嚴重，你又知唔知？

我隻貓而家訓係醫院，已經夠擔心
仲要比你呢啲唔知頭唔知路嘅人批評

有人想天生易有事咩？
你貓貓無呢個問題，可能只係你貓貓好彩咋

不過你要人讚吓嘅，咪讚吓你囉

係啦，呢到得你對貓貓最好

得未？

一星期
聽講手術後一星期嘅照顧好重要，我都想佢安定咗先出院
好彩嚟緊一個月我都唔洗返工咋

加油。。我隻貓呢排特登屙係沙盤門口到
有時抱佢上床又屙係被到
又成日奶jj
有次屙完仲大叫
睇左三個醫生照埋x 光都無結石

好苦惱 已經好乾淨個砂盤一星期洗一兩次 隻砂又由細用再大

咁會唔會係情緒問題呀？
我諗緊接佢返屋企後，好唔好試吓用feliway (?)