交代吓背景先
小弟30頭，女友大我4年
女友係高收入嘅專業人士，而小弟係正宗窮撚
，啱啱讀完Master，(讀嘅係專科，但我覺得自己唔算專業人士，因為人工唔高)同女友拍咗拖啱啱夠半年，呢半年相處一直都有少少問題，佢好易發脾氣，成日都會嬲，差唔多一星期4到5次，次次都要我氹好耐先好返
氹吓其實都OK，拍拖就係咁架啦，之但係今次佢發我脾氣，我就真係嬲都震
事源佢同我講話佢遲啲去飲，跟住傾多兩傾就順住個勢問我有冇打算結婚
老實講，我都30出頭，都有啲想結婚，而佢其實除咗成日發脾氣外，都係好女人黎嘅
咁我就話都有打算，不過要計劃同儲錢
跟住佢就建議一齊開個聯名戶口儲錢，每月一人儲一半，用黎結婚
我一聽到已經打咗個突，一齊半年就開聯名戶口？
佢見我唔出聲就追問我而家有幾多積蓄，打算一個月儲幾多咁
老老柒柒，各位巴絲打，小弟冇父幹，細個唔生性讀書唔成，所以on99走咗去讀副asso，之後讀self-financed degree (垃圾科)，讀到一身債
畢業出黎做野都係on99，一來人工唔高(垃圾degree)，二來要還學債，三來要比一半人工屋企做家用，每個月嘅錢只係儲到好少
終於渾渾噩噩咗幾年，覺得人唔可以咁就一世，走去讀個master 洗底
一讀就用晒我所有嘅積蓄 (我知我廢…..
) 讀完Master，人工首次突破21k，老實講我已經開心到想喊
，跟住就同佢拍拖所以當佢問我有幾多積蓄，打算儲幾多，我真啞撚咗
佢見我又唔出聲就黎料
“吓！你唔係想講你冇儲錢啊？咁講咩結婚啊？”
我於是解釋佢聽，我讀書洗晒啲錢，人工要比一半屋企之類之類…..
都未解釋完，佢又再黎料
“冇錢拍咩拖，結咩婚啊？冇資格囉！”
我聽完呆撚咗，佢就嬲爆爆咁走咗去
由傾完到而家，佢冇搵過我，我都冇打算搵佢
所以窮撚真係唔好學人拍拖，因為會比港女嫌你冇資格
