我個妹啱啱去完grad trip
見佢偷偷地喺房喊我問佢咩事
佢講返佢嘅經歷聽到我好嬲
事源就係咁嘅
本身六個人去樂天世界玩
佢哋五個都唔玩刺激嘅機動
得我妹想玩
咁一路我妹都冇迫佢啲朋友玩嘅
直到嗰五個朋友話攰想坐低休息15分鐘
我個妹見網上話有個刺激機動排5分鐘就玩到
咁就同嗰五個朋友講話
叫佢哋坐喺度等
我妹就趁呢15分鐘休息抽5分鐘自己玩
啲朋友個個都話可以
點知個機動原來冇開
我個妹就返原位啦
點知班朋友已經走晒
打晒電話短信都冇回覆
咁我妹就變咗要自己玩
等到有消息嗰陣
啲朋友話佢哋已經離開樂園準備返酒店
咁酒店本身就三個三個一間房
其中兩個朋友趁我妹沖緊涼衝去咗隔離房
五個一齊飲酒
我妹冇買酒 所以即使佢係知道隔離飲緊酒都冇過到去(佢亦都冇隔離房門卡入)
我妹諗住佢哋兩個可能過隔離房玩1-2個鐘會返嚟瞓
點知最後當然係嗰兩個朋友自己過咗隔離房瞓成晚
又冇通知我妹先會搞成咁
我妹第二朝遲咗起身
點知一起身嗰五個朋友已經自己出咗去玩 冇人叫醒過佢
我妹喺ig問其中一個朋友咩事
佢咁答：
咁我妹嗰日就自己出去行下明洞新村嗰啲咁
晏晝夜晚都係自己食 朋友一個電話都冇打嚟
一返到酒店 啲朋友已經開始執喼轉房
之後我妹就變咗solo trip
啲朋友自始冇理過佢 一句嘢都冇講過
去機場返香港都係自己一個
安全問題佢地可以完全唔確認我阿妹有無去機場？ 就算有幾大件事都唔應該抌低我阿妹自己一個啦
返到香港透過其他朋友講返先知
原來係因為我妹曾經笑住寸其中一個朋友「你𥄫咩韓仔啊都唔會溝到㗎啦」「行YG大樓根本唔會撞到明星」等等
啲朋友話佢講風涼話所以bully丟低佢
咁香港嘅朋友聽到當然唔gur
問返嗰五個其中一個點解有咩唔妥唔當面講要五個人丟低一個女仔喺異地
佢哋話因為開唔到口所以冇講
最後選擇撇甩我個妹
如果我阿妹喺韓國無其他朋友 佢會點？
而家仲係韓國 流浪街頭
佢地重好似冇錯咁喺度圍爐
所有嘢將心比心啦 我無咗個妹你點倍返比我
五位朋友
理傻鳩仲要話信你至知