我地對磨合嘅定義唔同

呢排覺得佢開始冷淡左
所以攤出黎講
講講下發現原來佢嘅態度一直保持住順其自然
佢覺得兩個人一齊唔使點改變自己
磨合=搵一個同大家相處舒服嘅距離+習慣對方存在
同我自己嘅定義有啲唔同
我認為磨合=大家都願意為對方付出+作出改變去迎合對方
就算知道對方冇咩改變都好
你都會一直係佢身邊
因為你愛嗰個係佢個人
唔係有條件性嘅愛
佢聽完覺得呢個定義其實冇錯
但要有一定感情基礎先做到
而我地淨係拍左三個月
佢覺得唔使做到呢點住
又話其實順其自然就可以
唔駛令自己太辛苦 唔想我太大壓力太辛苦
自問一直以來我都有改變過自己
我係一個幾硬頸 想人氹嗰個
但係每次嗌交個陣我都願意做氹佢嗰個
我想知嘅係
究竟我男朋友有冇認真看待過我？
佢係咪真係愛我呢個人？
一係話其實只不過佢對愛同磨合嘅定義有自己睇法
其實佢冇錯？

其實磨合，你可以理解做「改變對方或者自己嘅觀念，令到雙方嘅生活方式漸漸融合，減少接納唔到而嗌交嘅情況出現」
睇開d啦，我拍4年都未係磨合得晒，間唔中都有少少嗌交，不過氹返無野，佢又氹下我我又氹下佢，情趣黎嘅

簡單啲黎講
就即刻佢覺得拍拖唔使太刻意改變自己
隨心做番自己就可以
唔夾就分手
我就覺得雙方都願意改變自己 去迎合對方先叫愛

其實磨合，你可以理解做「改變對方或者自己嘅觀念，令到雙方嘅生活方式漸漸融合，減少接納唔到而嗌交嘅情況出現」
睇開d啦，我拍4年都未係磨合得晒，間唔中都有少少嗌交，不過氹返無野，佢又氹下我我又氹下佢，情趣黎嘅

除左我發脾氣嘅時候佢氹我之外
基本上所有嗌大交嘅時候都係我去氹番佢
所以我一直感覺好似得我係性格上有做遷就個方
好似得我全情投入
所以我係咪應該唔好咁快all in?

磨下磨下，就自然合架啦

拍得幾個月 慢慢黎啦 咁大壓力

你發脾氣果d唔計
然後得你全情投入?

磨合=搵一個同大家相處舒服嘅距離+習慣對方存在+大家都願意為對方付出+作出改變去迎合對方

你先拍得果3個月,
又話改變自己,
又要對方改變
會唔會太急

我都諗緊會唔會係我對拍拖有太大壓力同期望
或者我應該都係順其自然
原來一開始拍拖真係唔可以太投入太認真

或者我應該放鬆啲 成日神經緊張
我都覺自己好煩

適當地投入係必需既
但如果令到其中一個透唔到氣
咁你要諗下係出現咩問題喇

唔該巴打聽完又好似醒一醒咁

啲女人就係咁
自己發脾氣果啲就無計
然後得你全情投入 好似講到自己為左佢付出左幾多咁
有無諗過係你地自己想男朋友既世界得你一個 然後逼男朋友為你改變
不過唔緊要啦 呢啲女人都係選擇性失明
好似巴打咁講 磨合係因為大家耐左無可能再好似熱戀期咁 咩都比晒對方 要有自己既時間空間 大家去平行
但你地未又係聽完就算

我同男朋友都係用你男朋友嗰套去相處
So far都冇乜問題
順其自然又唔代表唔認真看待段感情
只係我哋唔傾向要求對方做自己唔習慣嘅事

當有地方唔夾或者意見不合嗰陣
就攤出來分享大家諗法
主要目的係了解對方點解咁諗
然後思考下接唔接受到
而唔係迫對方/自己變到所有嘢一模一樣

我以前都以為磨合係要改變
唔改變就等於唔愛
但係每次結果都係辛苦自己辛苦人
對方壓力大之餘
我又會冇咗自己

而家覺得磨合係兩個唔相同嘅人
慢慢接納雙方本質上有不同呢個現實
睇開啲先會令段感情健康成長

其實你男朋友咁認真分析佢睇法俾你聽
我唔覺得佢對段關係唔認真
佢大可以選擇hea氹你兩句就算
而且呢方面諗法唔同
唔係任何人嘅錯
太執著對錯反而會影響大家相處

或者試下調返轉諗
其實係鍾意你本質先唔想你改變
佢都想你學習凡事唔好俾太大壓力自己
如果你見到男朋友同你拍拖拍到好大壓力
你都會心痛啦，係咪先？

聽到佢話唔想我太辛苦個刻都有啲感動
唔該絲打我會盡量改變下自己心態
我都想佢同我一齊係開心輕鬆嘅

巴打我睇到你留言架
多謝你願意用時間打字鬧醒我先
我最想嘅係男朋友同我一齊會係開心
所以上黎開post想問下大家意見
點醒/鬧醒下我 唔想自己變到太港女先識後悔

求同存異

你有你睇法佢有佢睇法
你做佢唔會話你 你都唔好干涉佢做咩
好難要對方放棄自己嘅諗法跟你嗰套
佢做你唔好理 你做會又唔話你咁得唔得

你有你睇法佢有佢睇法
你做佢唔會話你 你都唔好干涉佢做咩
好難要對方放棄自己嘅諗法跟你嗰套
佢做你唔好理 你做會又唔話你咁得唔得

佢