請廣傳及幫手 ''反修例''單張

我整咗三個版本，大家可以提供意見，再作修改，下星期我會開始派街
完整版

反對修訂「逃犯條例」
為什麼要反對?
 危害香港人自身安全及利益
條例修改後，中國政府可控告香港人多達37條罪行，而只要中國提供的表面證據成立，香港警方就可以在香港拘捕相關人士，並引渡回中國受審及監禁。並且可以搜查、凍結及沒收相關人士在香港的資產。而中國的法治水平低下，難以獲得公平審訊，尤其相關人士涉及政治有關的罪行。

 損害香港經濟
條例修訂一旦通過，嚴重打擊香港在「一國兩制」下之優勢及獨特性，嚴重削弱國際社會及投資者對香港之自治權、法治及投資環境之信心，為香港作為國際金融中心帶來不可逆轉的打擊，從而令資金及公司撤走，直接影響金融從業員及全香港市民之生計。
當世界各國對香港失去信心，香港賴以成功的基石「聯繫匯率」/「香港關係法」亦可能會因信心危機及港元遭大量拋售而受影響，嚴重打擊香港經濟。

 修訂「逃犯條例」比23條立法更恐怖
基本法23條 : 涉及行為需危害國家安全，在香港審判及監禁
修訂逃犯條例 : 莫需有，中國政府可任意控告香港人多達37條罪行，香港會配合執法將相關人士拘捕，只要中國提供的表面證據成立，香港法庭就會移交相關人士到中國審判及監禁。

 影響香港人自由
部分曾報導過中國負面新聞的從業員，以及電影工作者，甚至在網上發表過「不恰當」言論的人，亦可能會被中國控告而被引渡到中國受審。條例修訂一旦通過，將收窄香港人言論、創作及新聞自由。而中國所謂犯法/不恰當言論定義模糊，香港人隨時墮入法網。

 香港政府宣稱香港法庭能「把關」?
事實上中國是否有公平審訊本就並非香港法庭可以審議的事，而法庭裁決亦只是以中國提交的文書作基礎(表面證供)，所謂保障形同虛設。

 政府表明不會移交政治罪行的疑犯 ?
政府的確表明不會移交政治罪行的疑犯，但中國仍可以非政治有關的罪行控告香港人。例如銅鑼灣書店店長林榮基其實被中國控告「非法經營、販賣書籍」亦與政治無關。

 打開法律缺口，後患無窮
修訂一旦通過將難以撤回，他日中國亦可加入其他更影響香港人安全及利益的條文，令每個香港人都活在不安全、不自由的社會，影響極為深遠，可以說此修例長遠會將斷送香港未來，反對修訂「逃犯條例」可謂是香港的「終局之戰」。

我們可以怎樣做?
 留意最新消息及事態發展
 為捍衛香港及自已的自由、利益，香港人或以集會示威方式表達訴求
 向你身邊的家人、朋友、同學、同事講出修例會對香港造成嚴重的破壞

香港人團結、合作，勝利會站在香港人一方。

簡短版

反對修訂「逃犯條例」
為什麼要反對?
 危害香港人自身安全及利益
條例修改>中國政府可控告香港人多達37條罪行
表面證據成立 > 香港警方在香港拘捕相關人士 > 引渡回中國受審及監禁
中國政府可搜查、凍結及沒收相關人士在香港的資產
中國的法治水平低下 > 被捕人士難以獲得公平審訊

 損害香港經濟
嚴重打擊香港在「一國兩制」下之優勢及獨特性
影響國際社會及投資者對香港投資環境的信心 > 外資撤走 > 大量香港人失業
「聯繫匯率」/「香港關係法」可能取消 > 嚴重打擊香港經濟

 修訂「逃犯條例」比23條立法更恐怖
基本法23條 : 涉及行為需危害國家安全，在香港審判及監禁
修訂逃犯條例 : 莫需有，中國政府可任意控告香港人多達37條罪行，香港會配合執法將相關人士拘捕 > 中國提供的表面證據成立 > 香港法庭移交相關人士到中國審判及監禁

 影響香港人自由
新聞的從業員/電影工作者/在網上/現實發表過「不恰當」言論的人等等
亦可能會被中國引渡受審 > 將收窄香港人言論、創作及新聞自由
中國所謂犯法/不恰當言論定義模糊 > 香港人隨時墮入法網

 香港政府宣稱香港法庭能「把關」?
香港法庭無權決定中國提供的證據是否可信，法庭裁決只是以中國提交的表面證供所決定，所謂保障形同虛設

 政府表明不會移交政治罪行的疑犯，干犯政治罪行會被捉到中國受審嗎 ?
會，因為中國仍可以非政治有關的罪行控告香港人
例如銅鑼灣書店店長林榮基其實被中國控告「非法經營、販賣書籍」亦與政治無關

 打開法律缺口，後患無窮
修訂一旦通過將難以撤回
日後中國可加入其他更影響香港人安全及利益的條文 > 令每個香港人都活在不安全、不自由的社會
修例長遠會將斷送香港未來，反對修訂「逃犯條例」可謂是香港的「終局之戰」

我們可以怎樣做?
 留意最新消息及事態發展
 為捍衛香港及自已的自由、利益，香港人或以集會示威方式表達訴求
 向你身邊的家人、朋友、同學、同事講出修例會對香港造成嚴重的破壞
 香港人團結、合作，勝利會站在香港人一方

口語版

反對修訂「逃犯條例」
點解要反對?
 香港人命仔都冇
條例過咗，中國政府有37條罪可以告香港人，只要中國提供的表面證據成立，香港警察就可以係香港拉你，再夾你返中國受審同坐禁。
仲有呀 ! 中國可以凍結，沒收曬你喺香港嘅財產，簡單嚟講，即係抄家。
同埋中國的法治幾咁高就喺人都知，呀李波都自願「偷渡」返中國就知啦 !


 香港經濟好大鑊 !
好多外國公司就喺鍾意香港有完善而獨立嘅法律，一旦修改條例通過，中國話你有罪就可以直接喺香港捉人，仲邊有公司肯留喺香港呀? 到時外資撒走 (呀!李嘉誠就醒目，早幾年已經撒資) 到時香港經濟一定好大鑊，到時大家連份工都冇埋。
仲有，對香港經濟好重要嘅「聯繫匯率」同「香港關係法」都有可能會因為逃犯條例通過而受影響，到時港幣隨時變廢紙

 「逃犯條例」比23條立法更恐怖
基本法23條 : 香港法庭有證據證明你危害國家安全的話先會出事，最起碼喺香港審判同監禁
修訂逃犯條例 : 莫需有，中國政府可用37條罪告你，只要中國提供的表面證據成立，而香港又冇權Say No，咁你就直送中國坐黑獄

 影響香港人自由
唔好以為你只係一個小市民就唔會捉你，你只要係現實同網上講過啲共產黨唔鍾意聽嘅嘢，一樣可以畀人捉返中國坐監，而報過中國負面新聞嘅記者，拍過得罪中國電影嘅人都係高危一族

 香港政府話香港法庭可以「把關」?
事實上中國是否有公平審訊本就並非香港法庭可以審議的事，而法庭裁決亦只是以中國提交的文書作基礎(表面證供)，所謂保障形同虛設。

 政府表明唔會移交政治罪行疑犯 ?
中國仍然可以用非政治有關嘅罪行控告香港人。例如銅鑼灣書店店長林榮基其實被中國控告「非法經營、販賣書籍」，他日你一句「唔鍾意大陸人」佢已經可以告你「煽惑進行危害種族」喇 !

 打開法律缺口，後患無窮
條例一過就好難撤回，遲下中國加更多罪行落去，例如「衝紅燈」，咁你衝紅燈都會畀人捉返中國
即使唔捉你，每個香港人到時都唔夠膽出聲反對唔公平嘅事，因為怕得罪中國政府而畀人捉走。
咁每香港人都生活喺唔安全、唔自由的社會，社會上唔存在反對當權者嘅聲音，香港人生活只會變成生存，努力賺錢嘅同時，我哋應該保護返香港—我哋唯一嘅家。我哋應該保護返基本人權—自由。
呢次修例真係會斷送香港未來，請反對修訂「逃犯條例」，我哋一齊打好呢場香港「終局之戰」 !

我可以點做?
 留意最新消息 / 事態發展
 行出嚟示威 / 集會
 同你身邊嘅家人、朋友、同學、同事講出修例會對香港同埋香港人安全嘅影響

香港人團結、合作，勝利會企喺香港人一方 !

推

推

有無人幫手設計、印同派？

推 大家幫下手 唔識設計同排版

口語(最新版)

反對修訂「逃犯條例」
點解要反對?
 香港人命仔都冇
條例過咗，中國政府有37條罪可以告香港人，只要中國提供的表面證據成立，香港警察就可以係香港拉你，再夾你返中國受審同坐禁。
仲有呀 ! 中國可以凍結，沒收曬你喺香港嘅財產，簡單嚟講，即係抄家。
同埋中國的法治幾咁高就喺人都知，呀李波都自願「偷渡」返中國就知啦 !


 香港經濟好大鑊 !
好多外國公司就喺鍾意香港有完善而獨立嘅法律，一旦修改條例通過，中國話你有罪就可以直接喺香港捉人，仲邊有公司肯留喺香港呀? 到時外資撒走 (呀!李嘉誠就醒目，早幾年已經撒資) 到時香港經濟一定好大鑊，到時大家連份工都冇埋。
仲有，對香港經濟好重要嘅「聯繫匯率」同「香港關係法」都有可能會因為逃犯條例通過而受影響，到時港幣隨時變廢紙

 「逃犯條例」比23條立法更恐怖
基本法23條 : 香港法庭有證據證明你危害國家安全的話先會出事，最起碼喺香港審判同監禁
修訂逃犯條例 : 莫需有，中國政府可用37條罪告你，只要中國提供的表面證據成立，而香港又冇權Say No，咁你就直送中國坐黑獄

 影響香港人自由
唔好以為你只係一個小市民就唔會捉你，你只要係現實同網上講過啲共產黨唔鍾意聽嘅嘢，一樣可以畀人捉返中國坐監，而報過中國負面新聞嘅記者，拍過得罪中國電影嘅人都係高危一族

 香港政府話香港法庭可以「把關」?
事實上，香港法庭係冇權決定中國法庭有冇公平審訊，而香港法庭裁決亦只係以中國好片面表面證供，呢啲所謂證據係有可能由中國政府為咗入你罪而偽造(就例如林榮基拍過嘅「認罪片段」)，所以香港法庭只可以送你返中國受審，冇權向中國Say No嘅。

 政府表明唔會移交政治罪行疑犯 ?
中國仍然可以用非政治有關嘅罪行控告香港人。例如銅鑼灣書店店長林榮基其實被中國控告「非法經營、販賣書籍」，他日你一句「唔鍾意大陸人」佢已經可以告你「煽惑進行危害種族」喇 !

 打開法律缺口，後患無窮
條例一過就好難撤回，遲下中國加更多罪行落去，例如「衝紅燈」，咁你衝紅燈都會畀人捉返中國
即使唔捉你，每個香港人到時都唔夠膽出聲反對唔公平嘅事，因為怕得罪中國政府而畀人捉走。
咁每香港人都生活喺唔安全、唔自由的社會，社會上唔存在反對當權者嘅聲音，香港人生活只會變成生存，努力賺錢嘅同時，我哋應該保護返香港—我哋唯一嘅家。我哋應該保護返基本人權—自由。
呢次修例真係會斷送香港未來，請反對修訂「逃犯條例」，我哋一齊打好呢場香港「終局之戰」 !

我可以點做?
 留意最新消息 / 事態發展
 行出嚟示威 / 集會
 同你身邊嘅家人、朋友、同學、同事講出修例會對香港同埋香港人安全嘅影響

香港人團結、合作，勝利會企喺香港人一方 !

推，支持
香港靠我哋

可以留tg傾

上個post有心人整咗出嚟

有興趣設計，派發嘅可以留低tg傾

唔吸引眼球，諗諗佢
睇下以前整蝗蟲個poster，唔會白底黑字

印彩色會貴

但係得字搵撚睇
你睇人貼街招有相有圖都可以黑白，無衝突

印顏色紙

推

推

依家只係排咗字，本身諗住每點下面畫圖
睇巴打有咩建議，一係我畫埋

幫推