我都鐘意左佢十年有多
今次演唱會係最心不在焉嘅演唱會
香港發生呢啲事,去之前冇乜期待嘅心情
向太認佢做契仔係因為佢同向佐好似樣
始終娛樂圈多個朋友好過多個敵人啦
相信佢心地仍然係好好,唔會同果班人行得特別近
好多時都係台灣香港互相接待下食下飯咁姐
見佢咁真心多謝向太佢地都唔知好嬲定好笑
佢有提到今次黎香港之前好緊張,就不多說啦,又話呢個世界近期好多人唔開心,即刻有人大嗌 香港人 加油
我諗佢都知咩事但又唔講得
台灣歌手係中國發展真係好敏感,萬幸嘅係呢十年佢冇觸及過政治問題,冇俾人攻擊,被迫做表態
講返今次演唱會,真係狀態好好,開場純金打造起哂雞皮,皮囊第一次聽live,好癲唱得好好!
但今次唱得比較多舊歌?可能覺得少黎香港,新歌少人識??