自從發生咗呢單嘢我都有思考究竟我可唔可以再成熟啲，但個結論都係我唔後悔無再同呢個人聯絡。
5個人去trip，個個都就嚟3章嘢，得一條女有男朋友其他全部單身。
我知道要有人做搞手，要蝕底，要受氣，但我ok，I will be that guy
。因為我想還返中七果個，因爲有人要做暑期工有人話唔夠錢有人要陪男朋友果個果個畢業旅行。我搞掂哂機票、酒店、景點、電話卡、交通。其他人只係執好個gip同埋去到機場就可以了。我預咗成個trip都要忍因爲我知道咩景點都唔會啱全部人嘅心水，我想大家一齊開開心心咁玩
我好開心因爲有啲moment 係我預計當中好開心嘅時刻，好開心可以再一次喺酒店房傾心事，傾廢計，一齊食飯，影咗好多on9相
到今日我睇返都覺得窩心其實已經去到個行程最後一日，我地買完嘢一齊搭的士返酒店，我地喺的士明明傾得好開心仲話落車一齊買宵夜返酒店傾計飲酒。
落車之後兵分兩路去買宵夜，再集合嘅時候個有男朋友嘅女仔喺度狂喊，我心諗做乜鳩
咁啱分咗手？咁諗住問佢啦，但佢完全唔同我講嘢之後自己返房唔出嚟。到第二日都完全唔同我講嘢，好唔開心咁返咗香港。
係搭的士果陣其他FD簡單咁同我講返，原來呢條女成個行程都好唔滿意，話我plan果陣已經知一定唔好，啲嘢又唔啱食，我又安排哂所有嘢好霸道，係因為佢男朋友果晚關心佢所以佢突然覺得要同我呢條仆街去旅行好慘，於是喊出嚟同埋唔想再同我講嘢
我喺的士聽到之後個心一沈，下一秒就覺得好嬲。Plan果陣我send 啲嘢出去無人應就預咗，結果book咗先話唔啱心水、個個都無所謂得佢唔鐘意所以要全部人就佢一個 其實果個有破壞無建設嘅人就係你啊LKY
我返到香港收埋佢啲尾數就block 咗呢個人無再聯絡過。我而家好好，我仲有一班有良知，知道有條傻佬做搞手係好難得，會欣賞搞手嘅朋友。
中學同學嘅友情的確唔會一世嘅，祝你喺愛情路上一切順利
