其實做心理治療好唔好搵？

純粹好奇 因為身邊冇人做呢行
淨係知讀完degree之後都要實習一段長時間
出嚟做嘢通常有邊幾條路行？

係咪心理學啲fd

應該係要專讀心理治療 再做實習拎牌

聽聞幾千蚊一個鐘？

我睇過一次 收千二

咁咪好搵

但人工高，責任大，你講錯一句野小則觸動當時人情緒，大則自殺冇左一條人命。仲未計法律責任同專業知識，年中有幾多paychologist因為份report比人告

係四位數字一個鐘，但book房同準備相關器材又冇左一筆

但要有效喎
如果client見咗你幾次覺得無用就唔會再見
同埋啲客要儲同靠口碑，無料嘅遲早都被淘汰

仲要寫assessment report
完咗session又係要寫report
絕對唔係剩係得個一個鐘做嘢

巴打好似知行程
有冇人會因為唔好pay而唔做？

心理治療其實心理學家、精神科醫生、輔導員、甚至社工（當然要有讀相關課程）都可以提供
喺香港做所謂嘅心理治療係唔需要發牌制度
所以你講好唔好pay要睇返你做邊行，做咩機構定私人執業

收1200，個therapist一係就好新，一係就好流

心理學家難入行

其實事源係我有朋友最近識咗個人
條友聲稱自己係美國讀心理治療 返到香港做私人執業
撈唔掂 然後轉咗行
我就覺得怪 因為呢科要實習咁耐 又未聽過人話會搵唔到食
所以就想問 呢種情況可能性大唔大 定條友吹水

好流啊 睇完都冇幫助

即係可能條友廢，又或者無network無客源

咪亂UP......

好耐之前, 睇過條友收1600, 2小時......

可能你朋友 讀外國野雞大學或者廢心理治療課程，冇clinical training, 冇實習，甚至冇料、例如學埋啲垃圾催眠證書就以為可以搵錢。點知冇料又冇生意，最後浪費學費同時間，又害埋病人奉勸各位真係讀得書、有能力、有心做嘅，有恆心正正經經去讀心理學讀上去，唔好貪個title 好聽，誤以為一啲廢嘅證書好似好勁就去讀。最終害人害己。有事上報上庭，就無謂啦。

冇錯，香港係暫時未有牌，人人都可自稱心理學家/治療師（仲有坊間好多古靈精怪名，咩腦神經心理治療師等等）。但要做人有自量、有專業操守（呢點好重要），明白自己及自己專業嘅界限。特別係如果你讀嘅課程冇臨床經驗，而你畢業之後亂咁去治療有精神病嘅人係好危險。又或者亂做評估報告去診斷亦係好大問題。你唔好生意執左就拍拍羅友走左去，個病人就俾你害死。

最憎就係呢啲神棍，聽過有啲神棍課程夠膽死冇在場督導，冇supervisor 係度睇住， 靠個學生事後email 、online 視象會議報告返。大佬呀，你係學生都會識避重就輕，唔會報告自己做到一舊屎咁啦。

私人執業最難就係客源