[Live]獨遊台北+東京

係呀，我而家都喺台灣，用6日高雄>台中>台北

一早見到你推薦 已經plan左會去

好chur喎拍得住我
但係咪玩唔到 行唔到好多嘢？

真係好好食咖！！！！！無呃你！！！！！
我係食有珍珠嗰個！！！！！真係好撚正！！！！！！！！！

今日最後一日 其實都無做啲咩
第一站就又去咗cafe
你無睇錯 係又
今次去嘅呢間cafe叫「MKCR」
喺北門同西門町中間 好易去
佢個裝修又係好靚 不過係好簡潔嗰種
間嘢有兩層 一樓係點餐同有啲企位咁
二樓就係全部坐位
佢有一排窗邊位係對住北門
靚唔靚、有無feel就見人見智啦

今次我就叫咗杯叫「肯亞」嘅咖啡
其實我唔知係咩嚟係個店員介紹俾我
飲落同Americano差唔多
咖啡我真係唔識評論太多

間嘢主要賣嘢飲 不過都有幾款cake賣下
同埋佢仲有同一間賣冬甩（好似係）嘅鋪頭合作
所以都有幾款冬甩賣下咁
喺店員嘅慫恿之下我就買咗個柑橘味嘅冬甩（即係橙，我見佢英文寫住orange ）
個冬甩我就覺得，嗯，有少少橙味嘅冬甩囉
都唔平要55蚊台幣
俾多次我揀我唔會買

食完個冬甩我就嗌多咗個cake
我揀咗「海鹽焦糖蘋果乳酪」
件cake上到嚟已經覺得好靚
其實佢好似係芝士蛋糕嚟
但食落都真係幾唔錯
個餅底唔會太過硬
啲芝士味（我唔知啊應該係掛）幾濃
但應該有加其他嘢落去打（？）
個蛋糕有兩層 中間有啲煮熟咗嘅蘋果分隔咗啲芝士
我幾鐘意食啲蘋果 酸酸甜甜咁（啊婆嘅口味）
除咗啲煮熟咗嘅蘋果之外 佢最面頭都有插住塊蘋果乾
我又係覺得幾好食
個cake側邊仲有啲紫色嘅花乾咁
我食咗 幾好食因爲佢又係酸酸哋甜甜哋
而佢啲焦糖呢 就唔係直接加落個蛋糕度
而係鋪喺個碟度
可能驚太甜
而我發現當個蛋糕撈埋啲焦糖食之後都真係幾撚甜下
但整體嚟我覺得呢間嘢係值得一嚟
因為我喺嗰度有撩一個台妹講嘢
佢平時好鐘意去啲唔同嘅cafe試 睇下邊間好
佢話呢間「MKCR」一開頭開張嘅時候基本上日日都勁多人
而佢自己都食過翻尋味、嚟咗幾次
所以大家有興趣嘅話都可以去睇下！！！

圖：

咦睇翻啲相先知原來個蛋糕面有焦糖
柒咗添

喺間cafe廢咗嗰幾兩個鐘之後
我就走咗去食程味珍
我之前嚟過幾次台北都的唔起心肝去食
頭先見仲有時間 就決定去試試佢
佢喺一堆滷味鋪哂出嚟等你自己揀食邊啲
你放落個兜之後佢就會攞去幫你剪開做細細舊咁
方便大家食用
我就夾咗蘿蔔、千葉豆腐同埋甜不辣
之後仲另外加多左一碟菜
事關嚟咗台灣幾日之後都冇乜點樣食過蔬菜

咁講番啲滷味
我想講個千葉豆腐真係好撚好食
如果你哋去嘅話一定要夾千葉豆腐嚟食
甜不辣我就覺得一般囉 可能因為我本身無好鐘意食呢樣嘢
然後個蘿蔔我就夾左兩舊
有一舊佢就煮到好「林」好入味
但係另一舊呢 佢個皮係勁硬咁
食到後面我係就咁食咗佢啲肉就算
但總括嚟講啲蘿蔔係好食嘅 因為佢煮得好入味
但係我個人就覺得有少少少少鹹
但滷味鹹鹹哋都係正常？
應識係我平時食嘢比較清淡 所以覺得佢好重口味而已
咁碟菜，就係一碟剪碎咗嘅生菜，唔洗點講啦

p.s.喺食嘅途中都發現好多香港人嚟程味珍食
呢單嘢manson真係功不可沒

圖：

食完程味珍我都差唔多夠鐘去機場
我翻hostel 拎完喼之後就喺樓下買咗杯苦瓜汁
有無人同我一樣鐘意飲呢啲
飲完覺得成個人都好fresh

然後頭先我去到機場
因為掛住寫postcard 同幫friend買嘢
搞到差啲上唔到機
講緊係我都早咗成差唔多兩個鐘到機場
但發現時間都係唔係好夠用 我下次都係決定早啲入機場
以免再發生相同嘅悲劇
同埋好似阻住架機飛咁我知錯了

東京記得去新宿御苑

搭飛機翻香港嘅時候見到個天幾靚
就鳩影咗幾張

好！mark低佢先！

樓主影食物係真係唔錯
有攝影觸覺

宜家喺機場鳩坐緊一點先再飛
等到2046

真心咩我多數亂影
但多謝你讚我 搞到我有啲開心添哈哈哈哈哈

直接就飛點解唔一早買台北飛東京呀計數應該平啲

因為我一開始買咗同朋友去曼谷先
之後先再決定自己去台北同東京
所以我都係要翻嚟香港先 因為我去曼谷張機票係由香港出發
同埋之前有睇過 好似其實差不多（？）
定唔知貴啲

去三個地方旅行咁有貨阿叔我當年畢業淨係去咗東京，不過就玩十幾廿日

我窮遊

我未試過去日本去十幾日⋯你仲有米

班機delay 咗半個鐘 變咗0130先飛
我就嚟瞓著了

𩧃劫絲打個po
黎到真係好撚鐘意夾公仔

人已在東京
上機之後同隔離個大陸人傾咗兩個鐘計
因為佢長住日本 所以我都得到咗好多關於日本嘅資訊
但去到後面真係好眼瞓 我就襯佢去廁所嘅時候即刻瞓
一合埋眼就瞓著咗
再醒已經係就land 成田
Btw唔知點解瞓醒之後電話個mon貼側邊爆曬
Bbtw我終於嚟到東京 太正了

反而滷肉飯你無食

有咩特別，影下相咁？