舉個例，Yaki成日扮人生導師，教人做人，咁唔知佢有無了解過西方哲學思想或者係中國傳統儒道佛三家文化相關嘅知識，無，所以咪講黎講去都係嗰幾督屁又詞窮唔識用其他字或者理據去support自己，淨係識話人出賣靈魂賺取金錢，要活得快樂乜乜乜，如果佢嘅快樂淨係建基於瘋狂旅行打卡shopping買名牌，咁又何嘗唔係一個無靈魂嘅人，因為佢嘅人生缺乏自我反思嘅過程。
而旅行當然都係學習嘅一種，長自己見識，親身體驗當地嘅文化風俗民情，擴闊眼界，將書本上嘅知識加以實踐，唔會流於紙上談兵。但yaki好明顯就唔係為學習而旅行，所以去到摩洛哥都著到咁曝露，唔尊重當地嘅文化之餘仲要覺得咁樣我行我素係「做自己」，其實根本就係自私，就同啲大陸人黎香港又打尖又大聲吆喝一樣咁無文化。然後仲要講到自己去旅行帶幾件衫瘋狂影美美的相打卡覺得好辛苦，咁樣一講已經露曬底，平時ig啲highlight扮到幾咁清高看破紅塵人生態度乜乜乜都無用，行為一樣庸俗。
香港社會係扭曲，所以將「學習」嘅原意退化到將學習等於賺錢。所以人人對入大學趨之若鶩點都要死張沙紙翻黎，into個社會做嘢揹住學貸都係搵萬幾蚊仲要ot儲十幾年錢都買唔到樓，但yaki無資格笑佢地，因為大部分人明知今時今日偷呃拐騙搵得仲多錢，但都係願意腳踏實地去工作去用自己嘅知識技能賺錢，就係因為有良知。而yaki賺埋啲陰質錢仲要大大聲以為自己好成功嘅優越感究竟係邊度黎？係咪因為無讀書所以唔知咩叫四善端，無羞惡之心，非人也。又覺得我地喺網絡上攻擊佢係酸佢，唔抵得佢低學歷又搵到錢，正正就係目光狹隘嘅展現，唔識得虛心接受批評。
我都曾經睇過yaki嘅片，對一個日日淨係翻工翻學嘅人黎講的確會覺得咁樣嘅生活係同自己唔同，幾新鮮，但唔係代表要跟埋佢嘅價值觀。𡃁仔𡃁妹可能覺得咁樣生活好有態度好威，但當你大個就會發現真正有魅力嘅人在於佢嘅見識同學識，真正有生活態度嘅人係佢通過生活活出自我嘅人，而唔係金玉其外，敗絮其中，富而不貴嘅呢啲所謂kol。而要做到見多識廣唔單止要讀書，仲要有不斷追求學問嘅心，只要有呢個心，生活任何事都可以係學問。呢個先係學習嘅真締。
最後hi bob叔我係你fans，雖然我唔鍾意睇郵輪但我鍾意煮嘢食
同埋想聽你講政治
可唔可以做你跟班
