［集思廣益］有冇諗過 其實拍拖係為咩？

已經一齊左三年
我就係一直都冇諗呢啲野
如果宜加先發現唔夾
好似太遲
我怕之後揾既會更差
所有野又要重頭黎過
而呢三年又浪費左咁

可以愛 可以不愛

我會首先睇下同佢相處得舒唔舒服， 例如話開唔開心，使唔使每樣嘢都要諗過先講， 即係成日所講嘅夾唔夾

至於之後一齊咗，就喺磨合嘅過程，睇下大家有冇啲地方係真係盡曬力都夾唔到

最後就係睇下自己係唔係有嗰種，唔知點解好想成日見到，佢好掛住佢嘅感覺

其實都係睇返每個人覺得拍拖最重要嘅係乜嘢

你知啦世事無完美

至少你有為佢而努力
有時比如食野
佢會睇手機/玩手機game
而我慣左食野唔玩手機
佢全程可以唔出聲睇手機
如果我唔出聲 成餐飯真係冇人會講野
我真係覺得咁不如自己食

有時我好似講到冇野好講
我地既對話係
我：你講野丫
佢：有咩講

agree， 我覺得你需要同你男朋友傾下多過搵我地傾
你哋好明顯係有啲地方唔夾， 唔知你男朋友有冇努力， 但你應該同佢傾下睇下佢肯唔肯盡力改善，磨合番

當然唔係，咁係好蠢嘅一件事

嗱 我就未見過女神同窮人拍拖
但見過女神同隻金豬拍拖

就係岩岩傾唔掂先諗住上黎傾下

咪係囉

其實好簡單
例如上面話食飯個問題
首先你問自己，接唔接受到佢食飯嗰陣係咁
如果接受唔到，下一步咪睇下對方可唔可以改囉
又或者諗下有冇啲可以一人讓一步嘅方法
例如食飯嗰陣一齊睇片

擔心呢啲嘢簡直係多餘，

你要諗下，值唔值得為咗唔浪費過去三年，再擺多一世時間落去唔適合嘅人身上

重頭嚟過其實唔曬時間， 最多咪花多三年， 真正嘥時間嘅係你將下半世人，擺喺一個唔適合你嘅人身上， 之後發現就算你後悔都太遲了

可能佢覺得日日見，陪係身邊，
係就付出？
我有問過 佢付出過啲咩 因為我有時真係諗唔到
佢話佢都唔知/冇

我想要係比如我分享野佢會認真聽
會想知我今日發生過咩事
會對我有興趣
會主動了解我
會記得我講過既野

其實係咪好難？？？
有時我真係會諗係咪我太多要求
但我又會覺得想要既 係拍拖應有既

但佢話佢拍拖係冇呢啲（我想要既野）

我女朋友一開始食嘢嘅時候都會玩手機， 我同佢啱啱開始咗冇幾耐， 就講好咗食嘢嘅時候唔可以玩手機，

所以到而家，就算我哋食嘢嘅時候唔知講乜好， 但係因為手上冇嘢可以玩， 所以大家都會盡量諗下有咩可以分享， 從來唔會好似其他人咁各自各玩手機

我覺得你真係要同佢認真傾下， 係要講到明畀佢知今次係好認真，睇下佢肯唔肯改善， 講到明如果佢唔改係有可能因為性格不合分手，
如果佢都係應承咗就算， 唔肯改， 可能佢都唔算係好重視你， 又或者大家相處上真係唔係好夾

所以我唔想妄下決定，我一定要諗清諗楚先決定要唔要一齊繼續落去
因為我之前一直都冇諗過呢啲
一齊過得一日又一日

多謝你既意見，聽日我試下先

係點樣傾唔掂法，係佢唔肯改，定係佢唔識改

如果佢唔識改您可以建議下佢，
如果佢唔肯改咁真係冇辦法， 你冇可能逼到一個人唔自願咁改 ，勉強冇幸福

至少我冇
我唔會為左個原因去愛
愛左一個人都唔會去求原因
點解釋你好

我有試過講 唔玩手機
但佢會好似好唔情願咁收埋
然後都係keep住唔講野
好似想話我知 就算佢唔玩手機
佢都係冇野講

好多時佢同我一齊都玩手機
我會叫佢唔好玩啦
然後佢會話：都冇野做

所以我諗食飯既問題
可以用番上面巴打既建議
一人讓一步 比如開條片
開套戲出黎一齊睇

可能比較好

對方都愛你算唔算係原因？

只可以講佢唔夠愛你 純粹想有個人拍下拖

你上面講嗰啲嘢，有冇同佢認真講過， 話畀佢知你想要上面嘅野，問佢肯唔肯咁樣改，

如果佢肯嘅，你咪睇下佢係唔係真係做到囉

我以前都講唔出我付出過啲乜嘢， 而家返轉頭諗返， 就會覺得係因為我果陣對佢太hea， 不過因為我有認真改過， 所以而家如果佢問我付出過啲乜嘢， 我都真係可以講到好多

咁當然啦如果佢真係唔識改，你都要盡量幫下佢， 呢啲嘢係大家都要一齊努力

可唔可以分享下你付出左啲咩？

真係？？咁我係咪要做啲咩令佢更愛我/我可以做啲咩

如果個問題係佢真係一個冇野講嘅人
咁其實你點叫佢講嘢都冇用，因為佢真係唔知有咩好講
佢平時嫌唔嫌你煩？唔嫌嘅話或者可以畀啲教男人講野嘅resources佢睇

點解要做好多野求人愛
到你搵到個愛你既人個陣
你就會明 就會見到個對比
愛你既人無論你點都係愛你
唔愛就係唔愛

不過我諗你男朋友感情一定有
但就唔係好愛你囉
睇你接唔接受到