［集思廣益］有冇諗過 其實拍拖係為咩？

拍拖拍到冇咩方向，
幫自己諗左啲原因，
但又隨即反駁到自己


原因1.有人陪你玩？
原因2. 有人陪你食飯？
反駁1-2: 朋友/家人都可以做到，加上另一半未必成日有時間同你玩同你日日食飯




原因3. 有人比你依賴/依靠？
反駁3: 屋企人都可以（撇除屋企人好衰的家庭）




原因4. 有人可以比你對佢好？
反駁4: 家人/養大你既人更值得你對佢地好，有啲人拍左拖後對屋企人好冷淡，甚至會為左另一半而同屋企人反面，嚴重至脫離關係，但明明你既另一半只係識左幾年，而屋企人養左你十幾廿年（撇除屋企人好衰的家庭）




原因5. 開心/唔開心有人會聽你講？
反駁5: 家人/好朋友都可以做到，加上有時另一半未必會用心聽/比到意見你（至少我係，我成日同另一半講完我唔開心既事甚至講到喊，佢都唔會對個件事有任何想法/意見，有時我懷疑佢有冇用心聽，有時同朋友講同一件事，佢地會比到意見我，至少我覺得佢有用心聆聽我想分享既事）




原因6. 可以有一個成長伴侶？
反駁6: 兄弟姐妹，好朋友也可




原因7. 有發奮目標？
反駁7: 呢個冇反駁，但發奮目標係為左原因8，9？定爲左原因4，你想對一個人好？




原因8. 結婚？
原因9. 傳宗接代？
反駁8-9: 如果係因為呢2個原因先要拍拖，咁即係到左適婚年齡前1-2年先拍都ok? 唔洗咁早拍定？係未到適婚年齡應該專注事業？唔好投資咁多時間係拍拖上面？定應該點




好攰，諗唔到了，有冇人可以幫手諗下
其實拍他係為左咩？

想要一個all-in-one嘅伴侶？

愛就係愛 無原因 唔係為拍拖而愛

愛一個人真係冇原因？

係設問定反問，如果問我我冇特別諗過，只係覺得拍拖拍到好冇方向

你話拍拖拍到冇方向 其實係咩方向
做人既方向我明 咁究竟你想要啲咩

就係覺得拍拖拍黎好似冇咩意思，因為好多野好似其他人都做到 我都唔知我想要啲咩 就係想知拍拖我應該要啲咩

拍拖就係搵個人符合哂你上面咁多題，All-in-one

每朝起身/每晚臨訓有個人俾你掛住，一齊計劃下將來，唔一定係講結婚咁長遠，plan 下星期六日去邊，今年啲大假點用一齊去旅行

其實單身開心嘅話真係唔使拍拖，但每晚空虛寂寞凍就會想拍拖

扑嘢

咁即係對方係你心入面根本唔重要
點會其他人都做到

我覺得呢啲好個人㗎啫
每個人嘅答案都可能唔同
好可能係你生活缺乏啲咩，咪喺呢個伴侶身上搵返囉

我就想有個人陪住一齊生活+有深度嘅交流+互相信任+性愛+互相take care
因為我冇朋友/家人可以offer到呢啲野畀我

鍾意一個人，相處舒服，咁其實唔需要問自己點解要同呢個人一齊
要特登揾方向可能係本身唔夠鍾意，或者相處唔舒服，令人不其然會諗點解要同對方一齊

如果揾唔到符合以上既，即係呢個人唔岩？

咁可能真係因爲唔夠鐘意/相處唔舒服？
如果係應該點做？要改變迎合？定分手？

真係愛一個人
見到佢開心就夠
佢開心 自己都會跟住開心

明顯啦 愛一個人點會唔諗將來

但上面提到既真係可以有其他人做到，你仲有冇以上以外既原因係一定要另一半先做到

咁如果2個人對開心定義唔同呢？

比如 我想做一啲令佢開心既事
但佢覺得我咁做佢唔會好開心, 做其他先會
咁我就照佢意思去做

但我想佢做一啲令我開心既野
但佢唔想，佢覺得唔使咁先至開心

其實真係冇原因
舉例 你想去個地方 你個心就係想佢陪你
你要話總有人陪到你去 咁實有㗎

朋友都有分邊個重要啲啦

你揾到未？

最簡單就係，因為愛囉，就算唔寂寞，但唔知點解好想成日見到佢，好想一齊做好多野，好想抱住佢，傷心定開心都好想一齊分享

因為愛所以想一齊

至於點解會中意一個人? 每個人都唔同

愛係付出 唔係等價交換
下下計到咁盡 咁大家都唔會開心
如果你下下咁計住 可能你未真正遇到你愛既人

你咁講既大前題係有另一半下

假設冇另一半，呢啲野都可以做到
咁點解要拍拖？

搵到

首先我唔會好執著其他人係咪可以取代另一半
就算有啲需求家人 / 朋友都俾到
有咩問題？
又唔係要證明伴侶有幾獨一無二先會心甘情願同佢一齊

當初一齊嘅初衷可能只係單純鍾意對方
係因為鍾意先顯得相處嘅時間有意義
唔係啲活動只係得佢做到先同佢一齊嘛

同埋你似乎唔係好知自己要咩
上面你列出嘅嘢都係個人需要
但本身你識朋友都唔會係基於個人需求去刻意認識
有時只係人夾人，冇得咁去計

所以你嗰兩個option都唔係好實際
不如換個思考方式
問下自己當初點解會一齊仲好
仲有你到底想要一段點樣嘅關係