原來依家香港去外國嘅旅行團都學埋大陸d濕鳩嘢

是咁的 我一個人第一次去曼谷，又懶得自己搵路就求其join左康泰一個5天團。

埋單連小費4100左右

行程
第一日: 行程去芭提雅都算係正常，但因為唔包第一日lunch關係，就要自費。呢下就已經伏伏地，走左入去間魚翅店食飯，600B起錶。我屌咩，我算半個環保撚，十年前已經發誓唔食魚翅 最後我食咗個600B嘅餐，碗翅畀左團友食

第二日睇人妖同Sexy show一切正常

第三日(啫係今日) 芭提雅出曼谷路上就係咁有消費項目前後用左4個鐘去枕頭舖同珠寶店(我依家就係喺間珠寶店度發緊霉)

在此想奉勸各位，join旅行團之前真係要問清楚晒每一個鐘嘅行程。 btw以後我都唔會偷懶再報旅行團

唔肯自遊行, 預咗

同埋康X喺大陸人老闆, 更加伏味濃

原來康X嘅老闆是中國人！？

4100機票酒店食飯交通睇show差唔多啦

一兩個shopping checkpoint 在所難免

好正常，關咩大陸濕9野，全香港既旅遊團都係咁架啦

第一次join團？導遊都要搵食嫁，不嬲都會帶你去買嘢嫁啦，想唔買嘢咪唔好join囉

跟得團預左

所以以後都係自由行

睇show另外自費 每場都800b㗎

真係第一次join 平時都係自由行多

《明報》報道，去年香港航空多名董事「跳船」，令母公司海航內部派系「大洗牌」事件逐漸浮上水面。2011年將51%控股權轉讓予海航背景「勝投國際」的康泰旅行社，其董事長、一直仍持有49%股權的黃士心及其子黃進達，兩人上月已辭任董事並撤出公司，轉由勝投全面接手。

據公司註冊處資料所示，康泰創辦人兼公司董事長黃士心於上月14日正式簽署，辭任康泰董事一職，離開已服務逾50載的老牌旅行社。惟其子黃進達早已傳要接棒，同樣於上月14日一同辭任康泰董事。《蘋果》致電黃士心查詢，黃回應指不願回應。

康泰現由最大股份持有者「勝投國際投資有限公司」接管，勝投據悉與香港航空母公司中資企業海航集團有關。

永安康泰都賣晒比大陸

邊間旅行社最唔伏

Jetour, Kuoni, Charming, Goldjoy

都未聽過

咁係你問題喎，幾間成日賣廣告

kuoni勝景遊賣廣告賣到咁恆都唔知

所以無跟團好耐 自遊行舒服好多

曼谷自由行係最好
如果想去遠少少既地方 又唔想自己PLAN 可以當地報一日團 我上年跟左兩個團都幾好

一間叫曼谷幫(台灣人搞既旅行社) 去華欣 小費隨心(導遊自己講100B夠

另一間唔記得名 係酒店附近報名 去大城睇寺同夏宮 直頭唔洗小費

未JOIN 過團? 十幾年都係咁
4000 團係咁上下, 想唔比人SELL 野就去貴價團.

捷旅，勝景，翠明，金怡。你未聽過只能講你未去到join 呢D團嘅階段

未聽過仲要大大聲講出嚟俾人笑

笑得開心d

跟團點都要去幾個購物點
無論跟邊間都要去
最多貴團咪去少1個半個

埋單連小費4100. 呢個價有購物時間有幾奇.
你報名有冇講名唔要有購物時間, 要純玩團呀?