比個新人話我地公司仲用Email好落後

Email白紙黑字cc俾全世界係最佳保障自己嘅方法

其實講得出話e-mail落後嘅不外乎都係 1. 未做過寫字樓工 / 2. 蚊型公司 / 3. 未打過工
講方便梗係whatsapp / telegram / wechat依啲IM工具方便啦，但其實佢哋明唔明白呢個唔係方唔方便嘅問題，係要衡量好多嘢。

有人話生日會依啲咁informal嘅嘢使唔使用e-mail出，我都講過呢個唔係同事自己圍威喂自己搞果種，係用公司Budget搞嘅Staff Event。先唔好理佢有幾多人參加，係咪真係有人去，而家個情況係「Official to Individual」，咁用e-mail係咪不二之選先？

私隱方面啦，都講過無論你係咩IM工具，抑或係公司本身開發咗個App出嚟都好，都係要係同事自己嘅電話都裝。唔知有冇人知道啦，公司要求同事係佢哋自己電話裝嘢，正確程序係要簽一份簡短Disclaimer話員工已經清楚明白到公司會咁做。況且，會咁做嘅公司（例如HA）都會當呢個app只係其中一種通訊方法，主要都會係用返e-mail。

同埋有ching講得好啱，唔好講到咩保障公司咁偉大，明哲保身係e-mail最大用途。做細嘅就將全部關唔關事嘅人都放落cc，大粒嘅就搵返啲thread出嚟卸膊，講真依啲你whatsapp點做到呢？已經唔講依啲IM工具入面嘅record con唔consistent。

telegram又點睇

.....我公司用whatsapp 我覺得好撚煩