荒野的壽飛行隊絕對係神作

Warning:
本文只適合已觀看整套荒野的kotobuki飛行隊的人士

序章

聽講荒野的kotobuki飛行隊好好睇咁喎 異世界加飛機都幾得意呀 話時話最近多咗d來歷不明嘅偷渡客 所有人唔係嫌棄就係驚咗佢哋 好多偷渡客最後重俾人殺q埋死咗 不過而家d偷渡客愈嚟愈醒目 身份隱藏得好好 唔係咁容易發現...

講返套野 故事一開始 幾條麻甩佬係到玩牌 有個神父每次都赢 唔通真係因為有神庇佑？ 但係有兩條友實牙實齒話絕對同神無關 仲要好得戚咁 究竟佢哋知道d咩？ 之後突然有條友話 你哋遲早pk 原來呢個世界都有耶lun？ 仲要咒人 真係講下笑都唔得 講到好似人哋講咗一d俾人知道就會pk嘅秘密咁...

之後叫亞道夫條友仔調戲一個叫莉莉子嘅女仔 講起呢個莉莉子 一日到刻都話自己只係普通嘅侍應 但係戰鬥力又咁高 仲話自己開過喺異世界非常少有嘅屠龍 都唔知係咪吹水

其中一個主角kate就唔同啦 知道屠龍兩邊都有機槍不突止 連飛機喺日本叫咩型號都知 都話讀得書多自然... 話時話睇書係咪真係會學到咁多野呀 唔講以為你係叮噹 將d書當法寶咁喺唔知邊到帶嚟 唔好以為你有無口屬性大哂喎 無囗到咁誇張 都唔知係咪特登扮出嚟 肯定又係有d咩不可告人嘅秘密 要扮無口先可以令人唔會對佢起疑心啦

不過最有問題嘅肯定係zara 識日本嘅浮世繪 又識跳舞 整個便當全部都係日本野食 連潛行同格鬥術都識 異世界有冇咁多嘢學呀 真係想知你以前做邊行

講起上嚟有個大姐頭嘅空賊boss 一開始以為佢只係識賣萌 點知佢又識用機槍 又識搶機同開機 吓？你話係個大叔教嘅？點睇都係你好打d喎 點睇成個elite企業你先係最勁果個 做空賊做到開公司 仲要分唔同部門 你當自己喺現實世界呀 話說你同zara點解會識北齋同國重嘅？又話套動畫講異世界 點知班女仲識得多過我 有冇攪錯！

好彩 至少kylie點睇都喺正常人 重好似咩都唔知咁 人哋亞道夫show off自己五年駕駛經驗 但只係有11又7份幾戰績 明明異世界日日ace combat 佢嘅戰績喺異世界黎講根本屎都不如 你呢頭笑完佢戰績廢 一諗起人哋開紫電又突然話人已經算唔錯 紫電好失禮你呀 喺現實世界 5年有咁嘅戰績已經算唔錯 睇死你唔知道啦

好啦 人哋嬲嬲豬啦 正想講自己當年開紫電好多同伴喺戰鬥死咗時 kylie你又唔知喺到大叫d咩 攪到其他人聽唔到 而家d細路真係冇禮貌 之後又有兩條友話亞道夫唔好同小朋友嘈 就係你哋縱壞d細路 係我就叫亞道夫繼續講啦 都唔知有d咩好驚 你同team其他人明明都冇過嚟 你哋兩個咁緊張做咩？

之後叫emma嘅女仔又突然講好說話 話自己呢d叫社交辭令 假到kate都話你講大話 講好說話又唔算講大話嘅 除非你話emma只係想社交好先突然講野係大話啦 kate真係諗多咗啦 唔通佢係為咗轉移話題咩 明明大家只係聽到d聽唔哂 一定會好奇想追問 emma又點會咁唔識做呢 人際關係好重要甘嘛 最衰kylie最後重要再串亞道夫兩句 攪到亞道夫真係發火 破壞哂成個氣氛 冇人記得頭先亞道夫講d咩 都唔知有咩居心
(暫定 不定時更新)

世界觀 設定 角色分析 伏筆等我寫完個序章先再講 呢套野d伏筆係世界級 第一話副船長講咗句「是敵？ 是友？」我睇咗幾次先get到句野嘅重點 即咳明白032黑妹點解做做下空賊又突然救咗尤利亞...

最癡線嘅係 角色最愛嘅食物 興趣都可以喺伏筆 咁又有幾癡線？ 有冇睇春風外傳？ 醬汁醬油 其實係喑示咗6位新角色嘅背景 想知點解？上網check下兩者嘅分别 話唔定會有驚喜？呀唔好忘記有個角色嘅選項好似與重不同><

寫住咁多先 不定時更新 唔得閒嘅話會暫時停更

其實係味冇人明我篇文講咩...

解讀版

神父 亞道夫 炮灰三人其實來自我哋嘅世界

神父成日贏嘅真正原因 玩牌經驗俾異世界人多 所以亞道夫同炮灰先得意地話贏嘅原因同神無關 個耶lun話佢哋遲早pk係因為佢知道呢個秘密
話緊佢哋成日亂講嘢遲早爆響口

亞道夫其中一句對白: 如果識不到女明友 我來到這個世界又有甚麼意義？

莉莉子 kate zara 空賊大姐頭都係來自我哋世界 各人用唔同方法隱藏身份: 普通嘅侍應 無口同睇書多 以前工作學過少少 大叔表面上精英企業boss

Kyrie同emma係異世界人 知道一定程度我哋世界嘅嘢 係少數知情者 所以kyrie唔知11又7份2點解時係細細聲地問kate而唔問旁邊嘅emma 話亞道夫戰積算唔錯 係因為理解佢講緊嘅係佢仲未嚟異世界時嘅戰績 點知亞道夫一時激動差d爆響口 搞到kyrie同emma要做場大龍鳳嚟幫佢打完場 (果然實遲早一次pk...)

序章續篇

之後警報響起 副船長懶懶行又講咗d野 聽落好似一早知敵人會黎咁 然後lulu打嚟 話今次d貨好好好重要喎 計我話有咩重要過自己條命呀 lulu重話今次打落敵機有bonus 好地地做咩要加bonus？ 一定係lulu生性殘忍 一定係 話說有兩個人傾計話買鞋買袋 無啦啦想買嘢咁得意？

好啦 開打啦 紫電隊俾零式打到飛起 喂 你哋好似第一次同零式打咁嘅？ 你哋以前其實打開咩敵人？ 好啦 主角隊登場 隊長同zara講唔好好似chika咁搞到入醫院 唉 受傷件事fake人ga 成隊唔計chika得2個人知佢實際去咗邊
(未完待續)

我睇緊d咩....

好感動終於有人睇

我邊夠膽キリエ壞話 你估我唔驚尤利亞派032黑妹滅我口咩 雖然佢哋除咗樣同性格一模一樣之外冇任何... Shxt 講多咗爆響口 我今鋪死硬啦

不過只係猜測兩人可能有關連 仲未有足夠證據 腦洞居多

樓主你篇介紹好迷幻

睇得明喎

https://www.youtube.com/watch?v=wMTOIuwYiy4
我自己都有飛小型飛機...從來都未見過咁準確的起飛前程序

最可惜係集數少同埋只限日本飛機
否則隨時做到少戰2

Kotobuki最神嘅地方係佢簡而精 12集就已經表達到龐大嘅內容 一般動畫24集都未必做到

唔明

邊度唔明？

個窿係乜嘢 點解條友咁想得到個窿

寫完序章之後我會解釋下故事設定

例如洞嘅出現導至異世界沙漠化依個設定點解咁重要

個窿連向類似現實世界，好似背景係n年前有日本空軍經個窿嚟作品世界，帶咗戰機同埋現實世界知識過嚟令文明大躍進，所以霸咗個窿=得到現實世界高科技

其實飛機種類唔多都好多野玩，因為每架唔同嘅特性令到佢地可以用唔同空戰策略

比較可惜係佢做完咁多飛機模型(包括flaps嘅細節)、錄完咁多聲，佢嘅空戰都仲係好假好悶

制作組係完全唔識咩叫做能量，全部飛機都有UFO級數嘅爬升能力，仲可以隨意加減速

而且由於完全冇空戰嘅感覺，又冇空戰常見策略，飛機特式(迴轉半徑/energy retention)都冇展現出尼，搞到成套淨係得飛機用UFO級數嘅FM玩追尾，成件事悶到傻


利申玩開IL-2同War Thunder，睇到呢啲問題會特別明顯

因為套劇重點其實唔係空戰而係劇情

睇性能我諗大部份機都生存唔到

Agger

利申玩WT五年