最近同男朋友分手，一到夜晚就好掛住佢

我係絲 但點解係無愛過先做到朋友？
有愛過就唔可以由朋友階段慢慢調整大家關係？

可能我仲未放得開佢

同我情況一樣。。

其實拍拖真係兩個人互相就 互相付出
當有日發展到得自己一個不斷去改
已經收得皮...

開頭一分手就做番朋友 一定無可能
但過多幾年 回頭望 有個人曾經都一齊成長陪伴大家咁長時間 同咁明白你
總有一日可以做得番朋友

我都未放得開 但我寧願大家一步步黎
好過佢完全消失係我生命中
我同佢一齊嘅時候 佢總係叫我冷靜下先
但我就總係想當日大家可以好好溝通解決佢
到依家真係冷靜完全無接觸嘅時候
先知道自己當初有幾錯

係 佢曾經講過 其實我地大家都好清楚大家性格
而且佢為咗令我有成長 做咗好多嘢去幫助我
哩段感情係我係當中學到最多嘢嘅
我好想同佢講聲 真係好多謝你
係你造就成長嘅我
我願意跟隨你步伐 同你一齊好好向前

佢有係ig 搵下我咁囉 分咗就快一個月
但係見到佢po同新仔一齊嘅story就會變得好唔想理佢

我分咗幾日 你都好 佢有搵下你
但我完全同佢斷聯 我亦都唔希望佢依家搵我住
因為我好清楚佢性格 好清楚佢目前需要好多時間去整理自己思緒
你嗰個咁快有第二個 機會比較渺茫
但佢發現新不如舊嘅時候 就有機會搵返你
但就好容易做咗水泡

以為自己開post🙂
兩星期前都同男友分手
其實我諗其中一個分手導火線都係我啲脾氣
佢同我報備左同女同事食飯
之後都照我意思影相俾我 又再打俾我傾
但當時我嘅情緒好似靜唔到落嚟咁
冇聽電話 只係之後text返say sorry
以為冇咩事大家有傾有講
跟住嗰幾日就開始冷淡
然後佢就同我講分手了

Omg 雖然一齊時間真係唔耐
但原來真係咁都經唔過
相信佢都唔係真係真係咁鍾意我

不要緊了
你要繼續幸福啊

其實以上件事真係罪不至死
係咪仲有其他事發生令佢好不滿？
我男友一直容忍咗我好多嘢
我好清楚佢都好愛我 係依家被其他情緒主宰咗
同埋未睇到我嘅轉變

絲打 我地都要加油 我地會撐得過
最緊要係我地都有所成長 大家都成為更好嘅自己
自然有返吸引力 你都會幸福！

Same here 冷靜期中
但對方好似已經當左係分手啦
每當自己一個 得閒既時候 情緒就開始黎
成日悶悶不樂咁...

我唔想坐後備座 同埋比佢影響我情緒
所以暫時都唔想聯絡佢
同埋個男仔可能係個ex之前會得閒就whatsapp佢個個 當然啦我唔肯定係咪 所以都有可能係咁而導致我有d討厭佢

基本上 男人話冷靜就好大機會係等於分手
只不過係唔忍心直接同對方講分手兩個字
我依家都係咁 惟有自己要搵多啲節目
最近都同朋友出下街 係屋企油下畫 黎梗仲識新朋友
同去做瑜珈 跑下步
令自己忙啲 充實啲 個人都慢慢會開心啲
加油！

係 最緊要係調整好自己心態同情緒
慢慢好多嘢都會睇得好清楚
如果係咁 你ex都未定性

同埋我地分手個陣 佢講話想要嘅男人係個個男仔個款
所以我已經覺得係一早有個秤 諗好曬就同我分手
後尾佢話無 係分手之後先開始
為咗唔好諗咁多 我都唯有信佢

佢碌鳩識轉彎？
佢做到既野我講故佬做到
佢做唔到既我講故佬都做到

性格既野改得一時好難改到一世

諗起咁多年感情 就咁就完 真係好sad
依家大家都冇搵對方啦
但見佢ig 好似見佢生活依舊 冇咩咁
就會諗 原來對佢黎講真係nothing...
咁快過渡到...
努力緊收拾心情...你都加油💪🏻

感覺好細個？
但其實分手前已經同人曖昧梗 都算係帽
我單身後身邊都有啲男性
但我唔會動搖 我好清楚我愛我隻豬嘜
希望大家冷靜完可以好好重新開始

希望啦

但係情緒可以掌握到
我地最大嘅問題係我一直唔識好好處理情緒
只係要用時間同努力去改變

啲人話男人同女人分手後嘅反應係好唔同
女人開頭會抱頭痛哭 但短時間內就可以係傷痛中走出黎
但男人開頭就好似無乜嘢咁 慢慢先會諗起對方嘅好
我嗰個為咗減壓放鬆心情 都不斷搵朋友出街
我唔介意 我只希望佢情緒都可以慢慢冷靜返落黎
唔好好似依家咁痛苦

正面啲諗 為自己

有左裂縫好難再修補，始終心有條刺