絲打請入泥分享一個成功用交友app/網上溝到仔嘅故事

再更新下

大部分男仔好睇表面，你明啦？

有晚喺公司O.T，等緊啲嘢整完時好悶，就開個topic睇下有無人傾下計。

咁當時同我而家嘅男朋友text咗一陣就傾電話，佢陪我傾到我做完野返到屋企，之後每一日佢一訓醒，食完lunch，收工到返到屋企，只要我同佢都得閒就會傾現話，傾咗一個月，佢就約我睇戲食飯。

約出嚟見，做朋友認識下大概4個月，我知佢對我有好感，而我都一直有好感，但我有啲以前發生過嘅事，我覺得我應該同佢坦白，

佢聽完後一星期就問我可唔可以做佢女朋友，話佢唔會介意，話唔喺我嘅錯，佢想做個以後好好保護我嘅人，想我以後都可以開心。

然後，我就同佢拍拖，幾個月後我亦無再抑鬱發作，佢對我真係好好，又教識我好多野，好照顧我，到而家我地都仍然每晚收工就講電話講2-3個鐘，

但我地同時亦有各自私人空間去做自己想做嘅嘢，我地雙方都好信任對方，可能因為我地年紀都開始大個(我28,佢32），覺得互相信任同尊重都重要。


間中放假佢就嚟陪我，我煮飯時候，佢會企隔離陪我一路傾計，又會陪我一齊做家務。

我想去邊，只要佢有時間就會同我去，我講過嘅嘢，佢都有記住，間中會俾小驚喜我，我覺得佢真喺好到我覺得完美。

佢話佢以前拍拖，佢唔會為個女朋友做咁多嘢，喺因爲大個咗心態思想唔同咗，又好想我可以同佢拍拖覺得開心，成日都想我可以好似小朋友咁無憂無慮，

所以先會用多啲時間同心思喺我身上，我唔知佢以前拍拖喺點，不過佢咁講，我就信了，因為連佢屋企人都咁講我都唯有信。


我覺得，好幸運而家嘅我遇到而家嘅佢
好想以後每一日，你收工我都可以講笑話你聽氹你笑。