報果時計過 所有野加起 埋單都唔洗$6500
而且我阿頭同當時條女係咁叫我學車
我就比左錢報名
我今年二月尾開始學車 學之前都好地地
同個師傅 whatsapp約時間
佢又有禮貌又指示清楚 仲有提醒左好多我要留意既野
心諗呢個師傅正呀！
我自己本身對揸車興趣不大
係因為工作需要同埋條女煩過閪 先的起心肝去燒錢報名
所以我係考廢牌自動波私家車
但係到學車果時 條女已經飛左我
果時學車既動力已經大減
學車階段 諗住有呢個咁好相遇既師傅 就好好學埋個廢牌
結果呢個師傅由頭屌到尾 一尾大聲夾惡
指示唔清晰 鬧既時候 唔係指出錯誤
而係不停講
點搞呀 傻架你 唔識架你 你點揸車呀
而佢教泊位掉頭 係用機關槍式講指示 快到以為念急口令
咁當然 我又係泊唔到位 掉唔到頭
而佢每次係我失敗既時候 就重覆 睇鏡呀睇路呀睇清楚呀
但可能我垃圾 完全唔知要睇邊塊鏡 望條路邊度 都唔知係要望清楚邊度
三課入面 佢就已經教曬 泊位 掉頭 過死車
根據我果時報名既套餐
我只有七課 即係十個半鐘學車
所以佢就一邊高壓屌我 一邊叫我補鐘
但由於我本身已經對揸車興趣不大 上完佢呢三堂
我更加係厭惡揸車
去到第四堂 我就決定左反客為主
佢一屌我 我就屌翻佢轉頭
咁不出所料 果日出到白石角 準備換位學車
佢就已經開始 大聲屌我
快d換位學車 唔好浪費我時間 一陣又超時
我就同佢講 夠鐘就同我講 車我番大學站 我都唔想過時
佢見到勢色唔對 就冇屌我 改為講閪野
講自己以前既學生 好勤力 又跟車又補鐘又聽話 先合格
之後第五六堂 都係冇點樣屌 轉為堂堂講閪野
同我講 話我一定合唔到格
我最後都頂唔順 好坦白咁同師傅講
其實我知你惡 但係有心教 但唔係個個受呢種教法
我都唔打算要合格 純粹俾左錢就學埋佢
所以我都唔打算加錢補鐘
然後尋晚最後一堂
我依舊掉頭 泊位 過死車都係做唔到
同比佢踩到一文不值
叫我今日考試 唔好有意外 唔好俾個官終止考試就算
我尋晚學完車 翻到屋企諗左好耐
既然要考 就盡力做好佢
所以尋晚我不停狂loop youtube既片
睇清楚條路既每個難點
再記清楚片入面師傅 點樣教每個重點
然後坐係張床度 不停重複 要做既動作
而我係睇片果時 先發現
原來好多重點 師傅都冇話我知點解
一味就係叫我背佢指示去做 冇解釋過點解要咁做
所以我成日會記錯同混淆
今早考試前 都叫左個老友 帶我去考場 兜左成粒鐘圈
不停係乘客位 做動作練習
然後到今日考2:50
師傅約我 2:30 試場等
咁我一早到左 不過係朋友架車度 煲YouTube
2:25 我就到試場搵我師傅
結果師傅又屌我 話我仲遲過佢 想落後兜一圈都唔夠時間
叫我準備好文件就去報到
咁我就拎文件然後搵報到室
佢又屌我慢 我忍唔住開佢波
好大聲咁講
師傅呀 其實我未去過報到室 我都要望清楚係邊
咁佢即刻閪曬臉 因為好多行家望住佢
好啦 考完試翻黎
我唔知食左咩屎 泊位掉頭都順利過到
路試就覺得冇咩大錯 但知道好多野都做漏左
結果拎黃紙 一望 竟然係 雙合格
然後我師傅就叫我上佢車
就不停話我合格係死好命 因為個官好人
又係咁彈我泊位 掉頭 做得唔好
佢係個官就一早殺左我
呢個時候既我早已 wfc
然後佢彈完 就話唔好出去做道路炸彈
係我呢度補番 十個鐘先好出車
我就回左佢
放心 我唔會揸車 所以唔洗補鐘啦
再見師傅
就係咁 佢臉都燶撚埋咁叫我落車
Ps 我後尾知道點解whatsapp既佢 同現實差咁撚遠
原來whatsapp約人 提示全部都係佢老婆幫佢搞
睇多d YouTube 真係有幫助
1take pass果下 真係想講句
