一個好嘅樂器老師係會點教學生？

學過bass同鼓
兩個阿sir都係每堂比首歌你，講下首歌難嘅地方係點，跟住就睇住你練同你執下d手勢打法咁
學完就學第二首
好似同自己搵譜嚟打無分別咁一無譜喺手就好似on99咁唔識彈/打，所以兩次都學兩三個月就無學
其實咁係唔係正常？


btw想學鼓有無好老師推介新蒲崗drummer's ark如何

調返轉問下你自己到底係想學啲咩
開頭冇目標嘅話好易覺得學嚟學去都唔知學緊咩
去到一啲難啲嘅歌/技巧個陣 你就會要個有經驗嘅人去提點一下
你自己死練爛練可能都會做到 但要時間耐啲/方法未必係最正確 去到最後可能又係返返去基本功個啲位

依個就係出去跟人學嘅價值 用錢買時間同其他人嘅經驗

我建議你諗下自己係鍾意邊類型嘅歌 就去搵返個類型band嘅鼓佬去學 香港好多indieband都有教人
咁應該會直接啲學到自己想學嘅嘅