自學咗Keyboard都大半年,主要都係想彈下流行歌獨奏同伴奏,最終目標係想可以作到一首流行歌,一直都好困惑想請教下大家
有時練緊琴嘅時候會覺得好氣餒,因為好似一路都只係對住譜彈咁,彈完一份到下一份,但之間好似無進步過咁,好似練完一首歌,同下一首歌好似毫無關係,所有嘢重新再嚟過咁。
我心入面知道只要我肯放時間同練習,最後一定會練到(好唔好聽另一回事啦)。但我想要嘅係整體嘅進步,而唔係彈到某幾首就算,仲要有譜先得,無譜就好似廢哂武功咁。
所以想問下大家有關即興伴奏嘅練習方法,好想可以好似啲勁人咁自由自在咁彈琴,同埋即興伴奏需要啲咩嘅基本功?
Sorry可能表達得到有啲1999
有無高手可以講吓,求練習方法同方向