有冇人有好sweet嘅愛情故事

人越大就好似越唔相信愛情
日日見住咁多新聞同連登post都講分手同綠帽
自己感情都遇到咗啲問題
個心好似谷住谷住
究竟有冇一段感情可以專一又長情
所以有冇巴絲可以share 好sweet嘅愛情故事
等連登多啲正能量

想知乜野？

小弟二十三歲...無拍過拖...本身鐘意打下機同玩模型...而家係I-CXBLA做OFFICE BOY... 我同佢係交友APPS識..傾左一個星期WTSAPP...佢同我講好想做我老婆呀..咁我地就係WTSAPP拍左兩日拖..就出嚟見面...嘻嘻..佢個樣Ok 呀.. 佢一見到我..就話好掛住我..同埋送左粒金莎俾我話係情人節禮物..之後佢同我去左影貼紙相..影左好多好多....差唔多影左$2000 蚊...之後佢問我有乜情人節禮物送俾佢..我問佢想要乜..佢話想要S5...之後我就同佢出左部S5...重買左個HELLO KITTY case俾佢..佢好開心呀...之後去左食日本野..食左$800.... 尋晚真係好開心!我覺得佢好純情呀~佢全程都唔敢拖我隻手...佢同我講,情人節會帶埋我送俾佢果部S5出來同我一齊玩自拍....我好開心好期待呀.....原來拍拖係呢d感覺..真係好sweet....等我重係yahoo bid左幾隻PS4 game諗住成個二月係屋企收埋打..我尋晚返到屋企..上yahoo同個賣家講 :我有拖拍啦..我唔需要你隻game啦..我唔會出來交收的了..之後果幾個賣家即刻俾劣評我..嘿..班死毒男真係呢...我果刻完全feel到佢地酸到出汁啦....我訓前打左俾佢..不過佢無聽電話...可能訓左..我嘟嘴自拍sd左個WTSAPP俾佢,同佢講miss you;) good night...之後佢sd左個WTSAPP俾我話 : ok thx..... 嘻嘻嘻...雖然尋晚用左成份糧..不過ok la....拍拖緊係咁架啦....下次出嚟問埋佢個名同問佢FACEBOOK先... 祝大家都搵到自己愛的人呀! 加油豬唷 ;)

有一今晚我要OT，做到咁上下就去附近大家樂醫肚。買完就攞啲野食去一張已經有個婆婆係度打緊邊爐o既四人枱坐低，佢有禮貌咁請我坐佢對角，我初時以為佢只是想佢前面多啲位置擺野。

過左15分鐘，有個公公行過黎，婆婆即刻略帶中氣咁話：
「你又遲啦！我咁樣等左你四十幾年！你都仲遲！下次唔等啦！」

跟住就將佢一早滾起既湯連餸遞俾佢老伴，公公接過個碗笑笑口咁話：
「唔遲你又點會煮好晒俾我一黎到就有得食姐～丫你講咁多唔攰架咩？」

婆婆碌大對眼望住佢：
「我費事理你！你而家開始自己淥！」

公公繼續笑笑口答：
「好啊！你要唔要牛肉啊？」

眼前呢對一齊左最少四十年既公公婆婆，個公公肯定是成日遲到，亦俾個婆婆鬧左無限咁多次，但就係一個活生生o既例子，兩個人一齊行唔行到落去，未必是要剷晒對方所有不足，而是要睇有冇辦法同對方某啲缺點共存。

唔開心？實會，但頭先佢地真係好自然簡單地咁幸福左出黎。

咁婆婆要唔要牛肉

屌

扮嬲咁遞個碗埋去要

好sweet

長輩係唔同啲

已騎刧

我同男朋友都好愛對方
我地好sweet㗎，就係咁~

拍咗幾耐

唔知叫唔叫sweet 但好似電視劇咁

同班同學嚟
中三果陣個男仔fd同個女仔fd拍拖
但冇咩人知佢地係埋一齊
後來個男仔打波撞到個頭 冇咗幾個月記憶
唔記得同個女仔拍拖啲野
個女仔叫其他人唔好插手 講佢地一齊拍緊拖
一直默默陪佢 但到中四果陣條仔
陪另外一條女拍拖 原本個女朋友就哭到豬頭咁
但係就乜都唔講 唔解釋咁退出咗
但個男仔拍拍下又無啦啦記得翻失憶前啲野
覺得好內疚同埋個女仔好好
最後追翻原本個女朋友
闊別一年 再次一齊

利申：吹水死全家

又唔係好耐既，半年啦，宜家long D左2個月。
其實最感恩既係我地2個都打算一齊走到最後~
琴日FaceTime 既時間傾下傾下就講到弟時有小朋友如果係女既話，亦該練佢酒量定叫佢唔好飲酒😂

好似韓劇 佢地而家幾多歲？

同另一半幻想將來真係好正但我一定忍受唔到long d

難得正能量

有時見到街邊啲公公婆婆一把年紀仲手拖手
搭扶手電梯/過馬路個陣護住另一半 已經覺得好感動
但自己硬係覺得年代唔一樣啦
呢一種行到尾既愛情已經好難有

點解呀？
宜家2個月我都適應左~其實都係拍拖呀，不過個方式轉左姐~男朋友就比起我辛苦少少，佢都比我更掛住身體接觸🙈
不過ok既，我地半年會見一次~

冇架 全部最後都係會偷食出軌

連登需要多啲正能量

我自己慣咗一個禮拜見三次 見少一次已經好難受
不過你地一定好愛對方先捱到long d🙈

Omfg

當年呀公同呀婆一見鍾情，拍咗一段日子拖，但因為同姓，雙方屋企都反對佢哋喺埋一齊，唔畀佢地結婚。於是女方屋企將呀婆鎖咗係一間屋入面。一日，呀公撬開鐵絲窗擄走咗呀婆，同佢私奔仲搞大埋個肚，於是佢地就順利成章咁結咗婚。

呀公屬於嗰種典型性格比較差的大男人，雖然唔點做野，脾氣又差，但都兩公婆捱窮捱咗好多年，係十幾年前先上咗間新起既居屋，仔女孫都大了，終於算係可以享下清福。可惜好景不常，果年呀婆60大壽都未到，突然感染急病，入院前後唔夠兩日就走咗。

果日我仲記得呢個會鬧女鬧老婆的，牛高馬大牛脾氣的呀公，喺icu喊著跪係地下求醫生救救呀婆，願意畀晒啲錢醫生。可惜最後呀婆都係走咗，婆婆走咗之後果日佢地本來仲買咗飛睇大戲⋯聽佢地講返，婆婆打麻醉入手術室之前，佢地仲應承要出返黎一齊睇大戲去旅行⋯