好難取消八達通自動增值

要申請八達通自動增值一啲都唔難，有張信用卡就得，仲可以幫屋企人申請。但係，如果用自己張信用卡幫屋企人申請自動增值，原來信用卡持卡人係唔可以取消，要屋企人(八達通持卡人)先可以取消。

舉例，我用自己張信用卡幫老豆申請自動增值，我係唔可以取消，要我老豆先可以取消。

取消八達通自動增值，有兩種方法：
(1) 直接去MTR 客務中心cut 卡
(2) 打去八達通熱線，掀幾個制，寄封信畀你，之後再去MTR 客務中心取消

不過呢兩種方法，都要八達通持卡人先可以取消。大家可能諗住寫授權書取消就得，但原來唔係咁容易。

//你可授權第三方人士代為取消自動增值服務。請致電八達通顧客服務熱線2266 2222辦理有關安排。//

咁我就打去問。頂，除咗要fax或者email 授權書之外，仲要打電話畀屋企人確認，之後再約個時間去指定地方取消。

咁信用卡持卡人係咪冇嘢可以做呢？咁又唔係，信用卡持卡人，可以cut 張信用卡保平安。

我睇返新聞，原來之前有人幫女朋友申請八達通自動增值，但後來分咗手，要取消自動增值，都係要cut 卡先做到。

https://hk.news.appledaily.com/local/daily/article/20091106/13390166

報失自己張信用卡再補領

唔知有冇人有咁嘅經歷？

//滙豐銀行回覆，新信用卡在補領成功時已經啟用，並即時將八達通自動更新至新信用卡戶口，卡主遺失八達通後應即時報失及取消服務，否則銀行會自動為八達通「過數」。//

https://hk.news.appledaily.com/local/daily/article/20111027/15745140

所以，應該係唔得。

cut 張信用卡再cut八達通咪搞店

同佢報失張八達通就得

直接Cut卡

八達通霸權係咁架啦，創新永遠唔會有，不擇手段賺到盡就當係平常事。

要八達通持卡人先得。如果好似單新聞咁，事主同女朋友分咗手，佢前度死都唔cut 八達通，你都吹唔脹。最後，事主要cut 信用卡先得。

//如報失的是附有自動增值服務功能的八達通，你亦可於致電報失熱線時要求轉換自動增值服務，我們將會寄出通知信給你，指示你如何用另一張八達通啟動自動增值服務。//

所以，都係要cut 咗張信用卡先得，如果你唔係八達通持卡人。

申請八達通自動增值就好鬼易，間間銀行都幫你申請，仲可以幫埋屋企人申請，要取消就麻鬼煩。

好簡單
同時報失哂兩張卡就得

分明係八達通公司問題，唔撚關銀行事。

cut信用卡係咪會放番個8仔quota架啦？
（一個人最多3張嘛）

Agger. 八達通公司好有問題

落地鐵站填張form 就cut到架喇喎

自己張八達通就得

你亦可於致電報失熱線時要求
亦可唔要求

我試過我係信用卡主，cut ex張八達通自動增值都得，同銀行定八達通公司講明分左手唔方便叫對方搞，佢就會教你點做

係 報失左就自動cut架啦

一個人最多3張八達通自動增值，每張要唔同嘅銀行。你唔使cut 信用卡，直接去mtr 客務中心cut 八達通就得。

如果想轉第2張信用卡自動增值，直接填有關銀行張form 就得，不過要收$20 手續費。

原來仲可以咁

直接cut 左張卡

就係特登搞到咁麻煩
Sell your personal information to Beijing