有冇巴打有成功挽回一個話淡左而分手既女友?

聽落好似你嗰日得閒佢就唔應該陪朋友咁。當然我唔知咁多你哋相處嘅細節。
巴打我都要瞓覺了要返工，聽日有機會再傾。

如果ex 好似樓主咁主動搵我 我一定肯應承

可能我真係咁諗
因為我得閒都係約下FD唱K 都係同佢一齊
好後悔

驚咩？

我冇主動搵佢啊
淨係頭幾日搵佢
去捕佢 但佢直接走左
仲話叫我番屋企
咁樣令佢反感
之後過左成個星期我先發段文比佢
問下佢得唔得見個面咋
女仔唔係都覺得咁樣好反感咩

首先佢都唔知我睇到應該
我咁樣問一問佢分分鐘BLK埋我
或者唔知講D咩比我聽
如果有機會我會想當面問

你EX嗎?

呢一刻我覺得係
講得出其實都唔係一時三刻既事
佢可能都掙扎左好耐先決心做呢個決定
不過將來既事無人知既
係你既兜兜轉轉都會番黎你身邊
點都好 自己人生要為自己而活
咁先可以吸引到人

係但係佢唔覺得自己係ex

一齊左幾耐啊?
做咩分手?
佢點樣煩你

我以前個情況同你一樣，之後俾心機做野+一早儲落啲錢去咗買樓，ex當時收到風即刻約我出嚟話咁耐冇見不如出嚟飲杯嘢，之後我梗係狗衝去攞車接佢啦！因為我想睇佢點折墮

見面嗰陣佢話佢而家男朋友成日打佢，佢仲話得我對佢咁好，好想同番我一齊，但我梗係唔會中伏，嘭嘭聲show off完車佢返佢屋企放抵佢，跟手再冇聯絡過

記住：食過就算啦！出面大撚把選擇，記住最重要係錢、錢、錢

錢係唔會出賣你，有錢唔驚冇女

巴打你都好草得錢啊
可以草錢買到樓

一齊左幾耐啊?
點解唔適合?

真係淡咗都無辦法
對方都無能為力
感情本身就有咁嘅風險
佢坦白係尊重你
比一直拖住你更需要勇氣

當時樓價好平先買到

加油！努力裝備自己，總會有人識得欣賞你

但切記當你成功之時，你班Ex總會諗辦法埋你身想復合

利申：以前試過有2個Ex都係咁

我EX唔係呢種人黎
佢自己本身屋企都唔係冇錢

咁追得過，希望你成功

衣家已經話對我冇FEEL
其實一個月後都係覺得冇機

我係被飛嗰個

到宜家復合咗幾個月
我都唔太知當時分手實際原因
不過對方都有講過類似説話
「同你一齊變咗負擔 有壓力」
「無咗感覺 唔再愛」

中間分開嘅時間我無搵佢無chur復合
自己痛苦地收拾心情 寄情工作療傷
直到對方搵返我

我覺得樓主絕對唔可以chur復合
只需要響社交平台公開地表達
類似「我會努力變好」「會等你」
一次起兩次止
最終目的唔係lur
係show自己open to復合
俾機會對方返嚟

而呢段時間自我增值做下運動
呢啲嘢做咗唔會蝕 又確保唔浪費時間
而且收拾心情後多啲接觸朋友 擴闊圈子
一嚟你會發現自己放得低
二嚟個人會更成熟處理情緒

佢返嚟就最好 唔返就放手
我最大嘅得着係
係你嘅就係你嘅 終究會重遇
唔係你嘅就由他去吧

唔係唔做得主動嘅 重遇啦和好返
有機會咪再追
不過無和好就算啦

感情無得強求
即使我宜家復合咗 我都睇化了
如上面巴打講 分過一次 無緣都係會分多次
盡力做個好伴侶 吸引對方共同生活
其他睇上天造化

希望好似絲打你咁
我唔想PO一啲我會努力變好會等你戈啲野
好似感覺冇乜好?
換左個方式話佢聽咁
應該咩都唔做算?

你男朋友點樣搵番你啊?
多數用D咩開場白咁

算啦 帽事既