都煲左60+粒鐘 係時候整返個包膠
首先講講個人聲 佢個高音對我黎講係夠哂 聽女聲個D係高得黎唔會刺耳
而且當係一D有複雜聲音個D位個時都唔會痴埋一舊 分得開既 同埋人聲係貼耳 樂器係後面既
到齋樂器 純音個D就會幾發揮到依隻野勁既位 例如個D弦樂係會聽到條弦震既聲
不過到低音方面 佢會較為弱少少 特別係我換線之前仲有問題 係換線之前 我聽Aimer首Cold sun live版 30-45秒個時個電結他係會有怪聲 不過平時聽其他歌唔會太覺 應該話係聽唔出有問題
最後我換左條final 既 lab II 線就冇左依個問題 D聲仲好J左
佩戴方面係舒服既 佢個公模係大舊左D 不過舒服既 我戴長時間都冇問題
有D咩想知既就再問