潛入旺角傳銷公司幾個月 你問我答

你有冇諗過點解咁多人比佢呃到，即係佢地既營銷策略好成功。

認同你！🙏🏻

個個都好努力咁去網上交友度獵緊客上去美容院，好有組織咁去呃人。

生意唔係咁樣賺架！係要努力讀書和工作，而唔係呃秤！所以點解香港愈來愈差，就係因為有這班不學無術既傳銷員，只係識得起到呃呃哄哄。

如果錢有咁容易賺，佢地會介紹比你入行同佢地競爭？

其實想知點解一直唔講地址？近排有fd又係想水我上去，話朗豪坊等但真心想知可以呃我啲乜 因為我講明唔會比錢同埋想見marketing工作

因為佢哋介紹你會有錢收 （利申潛入過）
介紹你嗰個（對上）你有單收佣 佢都會有錢收 之後你介紹人佢有錢收 你就會有錢收 不斷循環 所以啲人係咁想人入嚟 佢哋仲會主動show連登啲負皮俾你的

啱啱做咗research 先知咩事 聽日叫我training 本身我朋友推薦我做 但我份人唔鍾意sale嘢 佢又話得着好多，增強好多能力，佢又話自己好成功，part time 一個月都9000幾一萬蚊，呢種工好搵得，所以佢keep住做，好多人會幫手識到好多人，又話未試過點知唔得，但係interview 嗰陣又話sale 中藥美容？教育財經嗰啲但係我連公司名都未見到，跟住我再問使唔使簽合約同辭職有冇話要有通知期，佢又話冇呢啲嘢。之後又有啲可疑，而家連公司名都唔知係咩，但係淨係知道喺旺角嘅工業大廈入邊，一入到去勁多枱枱凳凳，但係好簡陋，咩都冇咁。正常一間公司只係得枱枱凳凳咁簡單。我再問佢其實係做啲咩，佢就係話sell下啲客然後再俾feedback，有冇再詳細講啲咩，我再問佢係點樣出糧嘅點樣計糧佢又冇講，叫我再問返佢阿頭，其實而家幾Confused。好彩佢上網搵一搵資料，應該上完呢兩日training就唔會再去，呢啲工唔可靠。

Interview 嗰陣就係話咩唔會收你錢
又話佢哋嘅marketing 唔包括傳銷

2024新手法

真心 佢會0講嘢 之後其實佢會train 你點答 所以基本上一有人打俾你是話咩marketing/project 短project計就一定有鬼10成10係同一味嘢 佢又唔會呃你啲咩嘅 但嗰個公司氛圍其實幾恐怖 會壓抑囉 嗰個都係自己做自己 雖然話會幫你 但其實就係係咁拋問題要你自己諗到比個滿意嘅答案佢 em自己衡量啦 btw 佢會主動show 呢到啲負皮俾你睇

旺角福照工廠大廈8/F 門口無公司名，得個灰色牌寫住staff only。如不幸或朋友不幸上到去，快啲走！我都係啱啱經歷完一模一樣嘅嘢，好彩夠清醒，走得快。PS: 已經參加左起碼5次training

想問最後你係點甩身，想唔撈但唔知點講