[爛面閪] 有圖 皮秒 激光去印有冇用 直擊分享+討論

今日無腦港女去左perfect medical試做無針埋線
點知on99比左錢買激光去印療程
全名「Picoway 美國皮秒激光去斑療程」
承惠 $28,880 分期 $1200／月 還足兩年
如果大家上網搵呢間野 客戶分享係少既 打手佔大多數
前後比人hardsell左幾次 差d返屋企車錢都唔夠
唔買都買左 一於分享下療程進度同究竟值唔值
強烈建議大家唔好心急 等幾個月睇埋我效果再決定
真係等唔切都可以試做
如果想跟我join呢個療程一定要同佢講價

首先我暗瘡由青春期到廿到中都仲生緊
細個去細美容院針清針到變哂凹凸洞
所以呢個療程對我黎講針對去印＋凹凸洞＋毛孔問題

咁皮秒同傳統激光去印有咩分別呢
傳統打完起碼要三四日恢復 同埋係用熱力去印
雖然我冇親身試過 但八九不離十都應該幾痛
做完會滲少少血 皮膚乾 弱左

而皮秒就行出美容院前都會退哂紅 (當然都因人而異)
打激光時會有d刺 但完全可以接受
做完唔會乾 唔會覺得傷
但有冇用就要睇埋我做先知啦

公司聲稱我既印要做12次激光 今日做左第一次
做完皮膚係白左(正常facial都會) 去印效果唔算明顯
但我下爬有粒肉瘤 的確係消左d
之後會隔約兩星期再做
希望各位巴絲賞下面 有興趣既留個名
歡迎討論同分享心得

皮秒唔係for凹凸洞咩

根據美容師分享
皮秒係可以去斑去印同埋刺激膠原去改善凹凸洞
即係可以去黑色素

lm

我都有打不過唔係呢間

支持絲打真心分享

絲打係咪唔建議做針清？聽你咁講好似冇乜用

我會唔建議你做針清
因為嗰時我做完都係一路出暗瘡
做左一年facial d洞越來越多

如果黑頭粉刺暗瘡問題嚴重
一嚟我會建議你做好去角質清潔保濕多啲
都係冇改善既話寧願比多少少錢出去做機
因為凹凸洞一出現左就好難救翻
到時又係比錢整 寧願唔針清

連做facial都會愈黎愈多咁得人驚
啲黑頭集中曬喺個鼻到諗住上網買個啲一痴就痴走曬個啲 但有人話傷皮膚
其實都冇乜點出痘痘 但啲印真係好明顯 成日都唔褪
一齊加油啦我地

因為做facial 針吉過毛孔會變大形成細洞
痴個d我痴到甩皮都冇咩用
如果唔識 都係唔搞好過搞

我都想做discovery pico凹凸洞修復，但見人地話依d醫學美容好hardsell 都怕怕地

有冇巴絲知道邊到可以做到discovery pico而又唔會俾人hardsell嫁？

其實少不免會遇到hardsell
最緊要知道自己有冇需要做個療程
做好功課 幫自己打個底
專業意見可以參考
但私人醒你/見係你先送/加咗有用好多
信一成都多 可能係有用既 但你有冇需要先？

你係咪塊面同條頸唔同色？

你講一講我先留意到
一黎做完pico白左
同埋本身臉都係白過頸

去台北打一次都係千零蚊港幣
仲要醫生打

效果好唔好？ 咁咪要成日港台兩邊走？

廿中？
會唔會考慮食埋藥改善？

你個皮秒好廢咁
睇台灣個個都打到出晒血 連結焦7日左右
塊面會好大分別

會買膠原蛋白既supplement啊
我主要係痘印同凹凸洞
食藥應該係改善暗瘡問題比較多

電左頭髮兩日唔洗得頭

因為好多人打皮秒係用嚟去斑
去斑應該結焦情況會比較多
去印同凹凸洞應該唔會
唔一定越痛越有效嘅 要對症下藥
我下次會問吓治療師

即係而家無再出新暗瘡？

少左好多 應該係青春期過左
同埋改變下生活習慣真係有分別
治療師有講過做完皮秒之後會少生暗瘡
不過我就唔會信住

留名
利申：想做去班好耐

打完激光係會乾 不輪係納秒激光定皮秒
打皮秒就算唔係去斑都會起疹/出血/結焦 視乎打既度數有幾大 唔關係咪打斑定打凹凸洞事
另外2個星期打一次激光好似密左少少