[靈異] 都係轉房喇我地......(真人真事)

戴定頭盔先
真人真事，多為轉述
（箇中宗教問題無須過度討論，純粹想分享下今次經歷）
——————————
「都係轉房喇我地。」
——————————
是次曼谷之旅一行五人——一家四口加一個朋友。今次因為原本想Book嗰間酒店同最後住嗰間嘅名好似，所以唔小心book錯咗呢間酒店⋯⋯

去到呢間酒店嗰陣，其實都冇乜野。但係一入到房，一個一向冇乜靈異體質嘅友人忽然間話「我唔想住呢間酒店。」

大家一開始都不以為然，加上曼谷啲酒店咁大，第一時間當然要探索下間房先喇。

講翻個酒店格局先，一入到玄關，就直望個廚房，左邊係個大廳。盡頭係主人房，側邊有兩間雙人房—一間係兩張單人床，一間係雙人床。而每間房都配有一個廁所。

就咁形容好似係好普通嘅大房形，但吊詭之處係—通常玄關天花板係有盞燈㗎嘛，但呢間係要行到廳先有燈。而玄關兩側有兩塊全身鏡互相照住，形成無限迴廊......
廚房有個好細嘅儲物室，儲物室開咗燈都叫光，但真係得牆同門，擺設嗰啲係乜都冇嘅。而儲物室入面有個廁所。我唔記得係我地冇開燈定係本身冇燈，總之個廁所就超級暗，好陰。我係入去沖一沖廁，就跑翻出廳。

房間分配
老豆同阿媽=主人房
家姐同FD=兩張單人床(燈光最暗)
我=一張雙人床

因為電話要叉電所以我去咗兩張單人床間房。我坐咗喺近廁所嗰張床，床頭係木板嚟。我一坐就聽到幾下清脆嘅「咯咯」聲，即係手指敲木板嘅聲。但嗰陣家姐玩緊電話，個fd沖緊涼，父母喺主人房......我即刻彈起坐第二張床。

叉完電就翻房攤喺度咁玩咗陣電話。我嗰陣係用緊耳機，但冇開聲咁玩緊電話。隔咗一陣，就聽到「wer wer wer 」咁嘅聲。由於啲聲係由兩張單人床間房傳嚟，我理所當然咁覺得係佢地兩個發開口夢。好喇，咁我去完廁所，就突咗半個身𥄫下佢地啲房有冇熄燈。但我起身到𥄫完嘅期間，我記得係冇wer wer 聲嘅。我唔記得係我行翻床定上到床開始又有。因為我一個人瞓，始終有啲驚，所以只係閂咗大燈同聽住歌瞓，不過較得最細聲。但瞓著之前都間唔中聽到佢地發開口夢嘅，但我都冇理到繼續瞓——

「你地琴晚瞓成點啊？」
「我琴晚瞓唔到，都冇瞓過，啲高踭鞋聲好嘈。」
「我琴晚發咗個夢好恐怖。」
第二朝，我就係俾呢埋對話嘈醒——

留名

試下講故唔好窒故？

lm

More

之後個幾晚呢？

寫緊

故就唔好寫真人真事啦

係真人真事啊，因為想寫得詳細啲，所以我未寫好

唔會冇相呀
你講到咁好難代入

一陣畫翻張圖，本來諗住影個room tour，但係大家都驚會影到啲野

唔好畫啦
上網搵返個間酒店
再搵d示意圖仲好啦

下次打哂先出啦

房間分配
老豆同阿媽=主人房
家姐同FD=兩張單人床(燈光最暗)
我=一張雙人床

呢個我自己要求㗎想試下自己一個夠唔夠膽住酒店

仲未有文

😂😂建議樓主打定d先出

「妹你瞓成點？」
「冇乜特別喎，係琴晚佢哋係咁發開口夢囉。」
「我地琴晚都冇乜點瞓，都聽唔到大家有發開口夢......」

我哋入咗佢哋間房開始組合翻琴晚發生嘅事出嚟。我見到琴晚幫我家姐擺好嘅鞋亂咗（我係將佢對拖鞋痴埋一齊但前後調轉擺），變咗對住佢個fd張床同方向但分開咗啲咁擺。

「我都冇乜點瞓過，我成晚基本上淨係玩電話。啲高踭鞋聲係咁喺間房度行嚟行去。」朋友又再一次抱怨啲高踭鞋聲。
「我琴晚發咗個好撚恐怖嘅夢啊！」其實我家姐之前都遇過呢啲古靈精怪嘅事嘅。都可以話有少少靈異體質嘅——

「我琴日發夢有個男人同我講間房有兩個女仔，俾埋個背影我睇——兩個都係著白色衫，一個長頭髮，一個冬菇頭。長頭髮嗰個就高啲嘅，另外就矮啲嘅。」

「吓？係廣東話版嚟㗎？」我好好奇點解佢會聽得明個男人聲講乜。

「係啊，係廣東話版嚟㗎。」

我家姐：「我嗰陣想去廁所，但把聲同我講:『你唔好去住啊，如果你而家去就會喺鏡尾見到長頭髮嗰個㗎。你想唔想見到佢啊？』(我哋一向唔會講咩鏡頭鏡尾，所以肯定呢個詞語係把聲教佢講嘅。)」

「緊係唔想喇！『咁你等多陣先，一陣佢走咗我再叫你去喇。』」

我話：「咁你琴晚去完廁所唔擺好對拖鞋咁仆街嘅？仲對住佢張床擺。」

「吓？琴晚咁驚我仲搵拖鞋咩，佢一話去得，就嗱嗱聲去啦，邊會咁有閑情逸致搵拖鞋。」

「我仲問個男人嗰兩個女仔咩樣
把聲話『如果你知道佢地咩樣，你都會冇命㗎。』」

把聲仲叫佢起咗身之後要話俾我哋知。

諗翻成件事都幾match，我坐喺張床聽到嘅「咯咯」聲；翻房聽到嘅「發開口夢」；成晚嘅高踭鞋聲；仲有個夢。
（結緊尾，今晚問返屋企人有冇漏嘢先）

因為酒店房相冇影到儲物室同埋嗰兩塊鏡啊，所以房就畫出嚟啦黃色嗰啲一格格係床
廚房係開放式廚房，所以就咁間出嚟

圖片來源：香港科學館網址
https://hk.science.museum/zh_TW/web/scm/pe/wom.html

兩塊鏡會照出好多個自己，好似上圖咁

Sor，姐係最驚係高踭鞋聲？
我睇唔明你d對話

好啦，講白啲
我家姐發夢有個男人聲講間房有兩隻野，
一個長頭髮，一個短頭髮。
叫我家姐唔好行去廁所住，因為會見到長頭髮嗰個。

個fd朝早就話聽到成晚高踭鞋聲(即係佢地成晚喺間房走嚟走去)

而我臨瞓前就聽到有「發開口夢」喺佢地間房傳出嚟，但係我家姐同fd根本就冇發開口夢。

嘩，你家姐個夢都幾恐怖

佢個內容係最詳盡囉
然後夾埋我同個fd聽到嘅聲，
成件事就好match

好似有得解
你就咁上網搵，酒店夢見鬼就可以
好似係好事黎架wo