床蝨定過敏？

由前日開始就有啲紅腫嘅粒粒 起初以為比蚊咬因爲住得低層 但又唔覺夜晚有蚊啲聲 點知琴日又有一粒 今日又有一粒 之前試過間房有床蝨但治左大半年 有噴過de粉同埋佢啲結晶我冇清走等啲後患都死埋 但今次啲咬痕係得一粒 唔似之前咁一次過有幾粒

呢幾日我起身都有少少鼻敏感(其實好左好多年但空氣唔好會鼻塞打乞痴) 同埋慣左夜訓 兩三點甚至四點先訓 塊面都爆左好多瘡 會唔會其實係我抵抗力差左過敏？但一日一粒過敏？

全能嘅連登仔 可否解答我嘅問題

有冇圖睇睇 好似蟲咬 有分別
跳蚤 就三點紅
有圖最佳

似敏感

上面兩粒就第一日出 琴日個粒係耳仔後面 另一粒就啱啱發現

勁腫勁痕

聽日都係換張床單再噴下粉先

似敏感
冇太見咬口

仲有多數咬毛多陰濕位

你d圖我睇唔出咩位

呢排換季呀 我都係敏感底
呢幾日都鼻敏感塊面又痕

前幾日對眼仲要勁澀 一訓醒開眼就覺得對眼好辛苦

手臂 膝頭哥後面 大脾 陰濕位都有 係耳珠下面 有啲難影所以冇影到

敏感 居多 試下保濕
帶返個口罩
洗下鼻啦

似係塵蟎多過床蝨, 塵蟎會係你塊面到產卵令你生暗瘡, 又會令人鼻敏感加劇, 要用高溫60度以上水洗多D床單, 同埋買D專吸塵蟎既吸塵機吸床褥枕頭。

都係唔得就要換晒佢, 其實床褥枕頭用超過八至十年要換, 唔係D塵蟎多到嚇死人, 因為D塵蟎係床褥內部好難殺到, 如換新床褥枕頭後買D防蟎套套住佢地。

方間仲有D會發出D頻率既儀器, 聲稱可以殺到塵蟎, 幾十至幾百一個可以試試佢, 我之前都好似你咁, 攪左好多年唔知咩事係咁爆瘡, 但我一早過左青春期啦, 最後做晒以上咁多野就好左好多冇爆過瘡了。

爆瘡呢個就我自己衰 成日夜訓同唔夠訓
床褥係上年新買 冇拆膠 枕頭都有係洗衣舖洗過又係冇開膠袋

前幾日出街都覺得空氣好差 好難透氣

最腫嗰度有無好細傷口？有就可能係蚊

床蚤唔咬你都可以令到你出敏感，我之前都試過，會連續幾撻腫咗咁，我就係因為床蚤所以引發風疹，夜晚會特別痕

樓主你嗰啲都似似地敏感，識人無我咁易敏感出疹，被床蚤咬過都幾似你咁

同快啲睇下床尾床鋪嗰啲有無床蚤屎先

早點訓就好了
清潔下張床
提你換床單
順手睇下有冇蟲屎
完美解決

我本身唔係敏感底 可能真係夜訓搞到咁 但屎又唔覺眼

其實蟲屎都係一個問題 我上次有床蝨我淨係見過本體但張床冇屎 一粒都冇

樓主你最近有冇執過間房?我試過有次執房, 摷D好耐無掂過既電腦用品紙盒同舊電線, 點知摷完成身好似出水豆咁超痕又好似你果種情況, 但又唔似俾野咬, 因為有野咬中間會有個細窿仔一拗就好易出血, 之後過幾日無茶過任何野就好返, 我都想知係咩事。

你呢個就似過敏 啲塵呀個啲都可能會搞到皮膚敏感

你係同時有幾粒出現定好似我咁一日一粒

我都係，平時都唔會咁，係近呢一個月塊面有啲痕，又紅又甩皮 唔知乜搞