[行路撚]香港十一間大學全走（～90km）

有上次經驗
今次應該比上次順同冇咁辛苦？

其實本來都唔諗住打咩感想，但行完呢程，對過去呢一年有好多好多感慨，所以會長氣少少

講返今次先，今次我發得自己準備唔係好夠，一黎自己因為種種因素，過去半年其實好少上山，狀態冇上次咁fit，所以其實我半夜4點d痛症已經出緊黎，行完科大已經係靠意志力支撐。加上天熱到飛起，對行程既掌握可以話係大失預算，最後要好狼狽咁去搭巴士，嚴格黎講都唔算行路撚

第二係太遲先去plan，其實行去科大嗰段唔應該經小夏威夷嗰邊，但我就冇睇清楚個路線，搞到浪費最少半個鐘時間同體力。另外想多謝兩位朋友，佢地喺科大開始陪我，最初係諗住聚下舊同做小小補給，但一位行到理大，一位就行到終點，唔係佢地可能12點都未到，甚至走數，實在好感激佢地。同埋都令自己審視搵人同行既重要性，唔係話自己能力唔得，但有人喺自己隔離，自己既意志都冇咁易被消磨

開完今次post下次再開都唔知幾時，有人話行i大但我覺得呢條線係為行而行(咁講其實呢條線都係)，因為好多路線大抵相同，如果諗到有趣路線會開，但自己想focus返落行山度。同埋都比機會其他巴打啦

一年過去，自己愈黎愈忙，負擔都愈黎愈多，好似今日咁，一起身返工，放咗工仲要返學，維持呢份熱血既背後，其實都有所取捨，我諗都係好多人生活既寫照，有生存，冇生活。自從認識單車新人王之後，同佢傾咗好多行路方面既理想，包未來去美國行pct，同埋搵做過行路撚既巴打一齊行毅行者，奈何一直搵唔到合適人選，一係唔啱傾，一係能力唔夠，一係就冇視健行為長期興趣，呢一年黎我都嘗試pm過唔少人，甚至有去高登搵過古巴，但都係食白果居多，自己真係有少少灰心，但我唔會放棄，因為自己真係好鍾意去做呢樣野。

所以呢，如果有興趣一齊行下路，或者純粹想支持下我，都可以pm我。

咁最後梗係多謝大家啦，追足成日已經唔容易

我TG:https://t.me/cikcukbb

今次比上次應該熱咗6-7度上次凌晨凍到著褸

另附好多人問既步數

live

新清水灣道係好燒人

支持巴打

點解要咁上唔響大老山隧道後面經觀音花園上

唔識點行，下次可以試下

cls

好想知你平均每日行幾多步? 另外點樣keep 住每日行咁多隻腳都仲頂得順唔會肌肉酸痛

我諗如果之後真係要開post既話會係可以行路過海既時候

which is都無乜可能

操水，搵次渡海泳游去好冇?

每日大約萬五到二萬步到啦，自己都有運動開所以腳就唔點酸(但條腰唔洗要睇黎要操下腰背)

幾鍾意呢首歌
小克

假膠？

個海係咪海事處管？寫信去問下

今日隻腳可以正常行唔洗就住

依家每年搞一次啦，不過就有限名額，同埋好似要水試，要唔知幾耐游完1500米，我諗唔操個半年都唔掂加上游海個消耗會大過游泳池唔少，再行埋應該冇體力
所以暫時都係算數

同埋啱啱check 咗渡海泳係由tst 游去灣仔我諗比救生員救上岸會好d

推一推先

咁多人話想一齊行，最後得一個pm

無計，都係期待巴打你下次開post好過

下次開點歌post/鳩post 機會會大過行路post